Enter your Email Address to subscribe to our newsletters
भोपालनगरम्, १७ अप्रैलमासः (हि.स.)। भोपाल-स्थिते रवीन्द्र-भवने शुक्रवासरे मध्यप्रदेश-कांग्रेस-समित्या आयोजितं ब्लॉक-कांग्रेस-अध्यक्षाणां प्रदेश-स्तरीयं सम्मेलनं संगठनस्य जमीनी-स्तरपर्यन्तं सुदृढीकरणस्य तथा जनसामान्येन सह प्रत्यक्ष-संवाद-स्थापनस्य स्पष्ट-सन्देशेन सम्पन्नम्। एतत् सम्मेलनं संगठनात्मक-सुदृढता, कार्यकर्ता-सशक्तीकरणं तथा आगामि-रणनीतिनिर्धारणस्य महत्त्वपूर्णः मंचः अभवत्।
कार्यक्रमस्य आरम्भः अतिथिनाम् आगमनेन अभवत्, ततः ‘वन्दे मातरम्’ इति राष्ट्रगीतस्य प्रस्तुतिः कृता। अनन्तरं अतिथिभिः महात्मा-गान्धिनः चित्रे माल्यार्पणं कृत्वा सम्मेलनस्य औपचारिक-उद्घाटनं कृतम्। तदनन्तरं सर्वेषां अतिथिनां सूत्र-मालया स्वागतं सम्पन्नम्।
सम्मेलने ब्लॉक-अध्यक्षाणां भूमिका, दायित्वानि तथा संगठनमध्ये तेषां केन्द्रीय-स्थान-विषये विस्तृतं प्रस्तुतीकरणं दत्तम्। डॉ.संजय-कामले-महाभागेन अग्रिम “जनसंवाद-सम्मेलनानां” रूपरेखा प्रस्तूय संगठनात्मक-क्रियाकलापान् अधिकं प्रभावी-परिणाममुखी-करणाय बलं दत्तम्।प्रदेश-कांग्रेस-अध्यक्षः जीतू पटवारी-महाभागः प्रदेश-स्तरीयस्य “ब्लॉक जनसंवाद सम्मेलनम्” कार्यक्रमस्य विधिवत् उद्घाटनं कृतवान्। स्वभाषणे तेन उक्तं यत् विगत-२५-वर्षेभ्यः सत्तायाः बहिष्कृताः सन्तः अधुना कार्यकर्तृभिः दुग्ध-ऊर्जया सह कार्यक्षेत्रे अवतरणीयम्। तेन लक्ष्यं निर्दिश्य प्रत्येक-बूथ-तथा ब्लॉक-स्तरे न्यूनतमं ३० सहस्र-परिवाराणां सम्पर्क-स्थापनाय आह्वानं कृतम्।
प्रदेश-प्रभारी हरिश-चौधरी-महाभागेन संघटनस्य आत्मनिर्भरता-प्रस्तावः उल्लेखितः, यस्यान्तर्गतं प्रत्येक-विधानसभा-क्षेत्रात् प्रत्येकं परिवारात् १०० रूप्यकाणां सहयोगः अपेक्षितः इति सूचितम्। एषा राशिः जनपद-तथा-ब्लॉक-स्तरे संघटन-निर्माणाय प्रशिक्षण-कार्येषु च व्ययिता भविष्यति।
सम्मेलनस्य अन्ते आभार-प्रदर्शनानन्तरं “जन-गण-मन” इति राष्ट्रगानस्य गायनेन कार्यक्रमः समापनम् प्राप्तवान्। अस्मिन् अवसरे वरिष्ठ-कांग्रेस-नेतारः, विधायकाः, पदाधिकारिणः, जनपद-अध्यक्षाः तथा आप्रदेशत् आगताः ब्लॉक-कांग्रेस-अध्यक्षाः च बहुसंख्यया उपस्थिताः आसन्।
हिन्दुस्थान समाचार / अंशु गुप्ता