Enter your Email Address to subscribe to our newsletters
वाराणसीनगरम्, १७ अप्रैलमासः (हि.स.)। गेल (इंडिया) लिमिटेड-इत्यनेन वाराणसी-नगरे श्रीकाशीविश्वनाथमंदिर-स्थिते अन्नपूर्णा-पाकगृहे पाइप्ड-नेचुरल-गैस (पीएनजी) इत्यस्य आपूर्तेः शुभारम्भः कृतः। एतत् मन्दिर-परिसरे पीएनजी-इत्यस्य प्रथमं संयोजनम् अस्ति, यः स्वच्छ-ऊर्जा-ग्रहणस्य दिशि महत्त्वपूर्णं पदम् अस्ति। एषा सूचना मन्दिर-न्यासस्य कार्यकारी-अधिकारी विश्वभूषण-मिश्र-इत्यस्य पक्षतः प्रदत्ता।
विश्वभूषण-मिश्रः गेल-लिमिटेड-इत्यस्मै धन्यवादं प्रकटयन् उक्तवान् यत् एतत् संयोजनं बहूनां बाधानां समाधानानन्तरं केवलं नवदिनेषु अभिलेख-कालमध्ये स्थापितम्। पाइप-रेखा अतीव-सङ्कीर्णाभ्यः भीडिताभ्यः वीथीभ्यः मार्गं कृत्वा स्थापिता, यत्र अत्यधिकं पादचारिणां गमनागमनम्, भूमिगत-सेवानां बहुलता, सीमितं कार्यस्थानं च इत्यादयः विघ्नाः आसन्। सुनियोजित-योजना तथा कठोर-सुरक्षा-मानदण्डानां पालनस्य साहाय्येन दलस्य कार्यं निर्दिष्ट-समये सफलतया सम्पन्नम्।
तथा च गेल (इंडिया) लिमिटेड-पक्षतः विज्ञप्त्या उक्तं यत् अन्नपूर्णा-पाकगृहे, यत्र प्रतिदिनं प्रायः १५ सहस्राणि श्रद्धालूनां कृते भोजनं निर्मीयते, पूर्वं प्रतिदिनं प्रायः १५ वाणिज्यिक-एलपीजी-नलिकाः (मासे प्रायः ४५०) उपयुज्यन्ते स्म। अधुना पीएनजी-आपूर्तेः आरम्भेन एलपीजी-इत्यस्य पूर्णतः प्रतिस्थापनं जातम्, येन नलिकासु निर्भरता समाप्ता, तथा च स्वच्छ-सुरक्षित-अधिक-कुशल-ऊर्जा-स्रोतः प्रति सहजं परिवर्तनं संभवम् अभवत्।
हिन्दुस्थान समाचार / अंशु गुप्ता