Enter your Email Address to subscribe to our newsletters
मंडीनगरम्, १७ अप्रैलमासः (हि.स.)। देवभूमौ ‘छोटी काशी’ इति प्रसिद्धे मंडी-नगरे शुक्रवासरे आदि शंकराचार्य-जयन्ती-महोत्सवः श्रद्धया हर्षोल्लासेन च आरब्धः। वेदांत कुटीर-स्थले आयोजितस्य अस्य पञ्चदिवसीय-उत्सवस्य प्रथम-दिने नगरस्य वीथयः भगव-ध्वजैः शङ्ख-ध्वनिना च गुंजायमानाः अभवन्।
कार्यक्रमस्य शुभारम्भः साध्वी सेवानंदसरस्वती-महाभागायस्य अध्यक्षतायाम् अभवत्। प्रातःकाले मन्त्र-उच्चारणेन सह आदि शंकराचार्य-प्रतिमायां पुष्पाञ्जलिः अर्पिता, विधिपूर्वकं पूजनं च कृतम्। अस्मिन् अवसरे देशस्य विविध-राज्येभ्यः आगताः सन्तः मालाभिः भूषयित्वा सादरं स्वागतं कृताः।
समारोहस्य प्रथम-दिने वेदांतकुटीर-स्थानात् भव्य-शोभायात्रा निर्गता। मृदंग-वाद्य-ध्वनिभिः सह एषा यात्रा भूतनाथ-वीथीमार्गेण सेरी-विपणं प्राप्तवती। अनन्तरं चौहट्टा-प्रदेशात् इन्दिरा-मार्केट, समखेतर-विपणं, न्यू-विक्टोरिया, पुरातन-विक्टोरिया च परिभ्रम्य पुनः वेदांतकुटीर-स्थले समापिता। तत्र मुख्य-द्वारे पुष्प-वृष्ट्या संगतानां स्वागतं कृतम्। शोभायात्रानन्तरं सन्त-भक्तानां कृते विशेषः प्रीति-भोजः अपि आयोजितः।
वेदांतकुटीर-अध्यक्षा अवदत् यत् अग्रिमेषु दिनेषु ज्ञान-भक्ति-गङ्गा प्रवहिष्यति। प्रतिदिनं अपराह्णे १-४ वादनपर्यन्तं कर्मयोग-सम्मेलनम्, भक्तियोग-सम्मेलनम्, सोमवासरे ज्ञानयोग-सम्मेलनं च आयोज्यते। अपि च २१ अप्रैलमासे मुख्य-उत्सवे सन्तानां प्रवचनानन्तरं अपराह्णे १ वादनात् भण्डारस्य आयोजनं भविष्यति।
हिन्दुस्थान समाचार / अंशु गुप्ता