Enter your Email Address to subscribe to our newsletters
कटिहारनगरम्, १७ अप्रैलमासः (हि.स.)। नारी-शक्ति-वन्दन-अधिनियम-समर्थने शुक्रवासरे कटिहार-नगरस्य नारी-शक्तिः एकत्रिता दृश्यते स्म। जनपदस्य सर्वेभ्यः प्रखण्डेभ्यः आगत्य शतशः महिलाः पदयात्रां कृत्वा अस्य ऐतिहासिक-निर्णयस्य कृते नरेन्द्रमोदी-महाभागाय कृतज्ञतां प्रकटितवत्यः।
पदयात्रायां सहभागी निशा सिंह-महाभागा अवदत् यत् नारीशक्तिवंदन-अधिनियमः एकः युगान्तकारी-निर्णयः अस्ति। नीतिनिर्माणे महिलानां सहभागे वर्धिते व्यवस्था अधिकं सशक्ता, संवेदनशीला, जनोन्मुखी च भविष्यति। अयं विधिः महिलाभ्यः केवलं प्रतिनिधित्वं न, अपि तु नेतृत्वस्य अवसरं ददाति।
पदयात्रायां कविता पासवान-विधायिका, मनोजराय-जनपदाध्यक्षः, रश्मिसिंहः अन्ये च बहवः महिला-नेतारः कार्यकर्तारः च सहभागिनः अभवन्। हस्तेषु विज्ञापनानि धारयन्त्यः महिलाः अस्य अधिनियमं महिला-सशक्तीकरणस्य महत्त्वपूर्णं चरणम् इति उक्तवत्यः।
पदयात्रायां शोभा-जायसवालः, प्रियंकासिंहः, महेन्द्रः झा, मंजू चंद्रवंशी, रीना झा, पूनमसिंहः, विभा मिश्रा, कमलेशभगतः, बबीता-यादवः, श्वेतारायः, रूचि-जायसवालः, गीता पासवान, आरती चौधरी, नीतू पासवान, रंजना झा, सरिता जायसवाल, विनीता वासवानी, बुलबुल सिंह इत्यादयः सहस्रशः महिलाः उपस्थिताः आसन्।
हिन्दुस्थान समाचार / अंशु गुप्ता