भोपालनगरम्, १७ अप्रैलमासः (हि.स.)। प्रख्यातः शिक्षाविद्, महान् दार्शनिकः, भारतस्य पूर्व-राष्ट्रपतिः च भारतरत्न-पुरस्कृतः डॉ.सर्वपल्ली-राधाकृष्णनस्य अद्य (शुक्रवासरे) पुण्यतिथिः अस्ति। तेन सह एव अस्मिन् दिने देशस्य पूर्व-प्रधानमन्त्री स्वर्गीयः चन्द्रशेखरस्य जयन्ती अपि अस्ति। अस्मिन् अवसरे मध्यप्रदेशस्य मुख्यमन्त्री डॉ.मोहनयादवः उभयोः अपि महानुभावयोः स्मरणं कृत्वा ताभ्यां विनम्रां श्रद्धाञ्जलिं समर्पितवान्।

मुख्यमन्त्री डॉ.यादवः सामाजिक-माध्यमे ‘एक्स’ इत्यत्र सन्देशं प्रकाशित्य पूर्व-राष्ट्रपतिं राधाकृष्णनं स्मृत्वा अवदत्— “पूर्व-राष्ट्रपतिः, महान् शिक्षाविद् तथा दार्शनिकः, भारतरत्न-पुरस्कृतः श्रद्धेयः डॉ.सर्वपल्ली-राधाकृष्णन् इत्यस्य पुण्यतिथौ विनम्रां श्रद्धाञ्जलिं समर्पयामि। भवतः जीवनं ज्ञानस्य, शिक्षायाः तथा मूल्याधारित-जीवनस्य प्रेरणास्रोतः अस्ति। भवतः आदर्शाः विचाराश्च युवानः शिक्षितान्, संस्कारितान्, सशक्तं भारतं निर्मातुं प्रेरयन्ति।”

अन्येन सन्देशेन मुख्यमन्त्री डॉ.यादवः पूर्व-प्रधानमन्त्रिणं चन्द्रशेखरं जयन्त्यां नत्वा अवदत्— “पूर्व-प्रधानमन्त्री श्रद्धेयः चन्द्रशेखरः इत्यस्य जयन्त्यां कोटिशः नमनानि। राष्ट्रहितं सर्वोपरि इति भावनया सह भवतः समग्रं जीवनं सरलता-जनसेवयोः अद्भुतं उदाहरणम् आसीत्। सामाजिक-न्यायस्य तथा दुर्बल-वर्गस्य उत्थानं प्रति भवतः समर्पणं निरन्तरं राष्ट्रनिर्माणस्य मार्गे अग्रे गन्तुं प्रेरयति।”

हिन्दुस्थान समाचार / अंशु गुप्ता