Enter your Email Address to subscribe to our newsletters
काठमांडूः, 19 अप्रैलमासः (हि.स.)।
सेंट्रल एशियन वॉलीबॉल एसोसिएशन इत्यस्य वार्षिक-सामान्य-सभायां वॉलीबॉल फेडरेशन ऑफ इंडिया-संस्थायाः राष्ट्रियाध्यक्षः वीरेंद्र कंवर सहभागित्वं कृतवान्। अस्मिन् अवसरे विविधदेशेभ्यः आगतैः प्रतिनिधिभिः सह वॉलीबॉल-क्रीडायाः विकासविषये विस्तृतः विचारविनिमयः अभवत्।
सभायां भारतदेशः वॉलीबॉल-क्षेत्रे उत्कृष्ट-प्रदर्शनाय मोहम्मद ला थीफ-महाभागेन “अन्ताराष्ट्रिय-उत्कृष्टता-पुरस्कारः” इति सम्मानं प्रदत्तः। अयं पुरस्कारः वॉलीबॉल फेडरेशन ऑफ इंडिया-संस्थायै तस्याः उपलब्धीनां क्रीडाविकासे योगदानस्य च मान्यतया दत्तः, यं वीरेंद्र-कंवर-महाभागः स्वीकृतवान्।
वीरेंद्र-कंवरः उक्तवान् यत् अस्यां महत्त्वपूर्णायां सभायां सहभागित्वेन तस्मै अन्ताराष्ट्रिय-स्तरे वॉलीबॉल-क्रीडायाः संवर्धनाय विविधदेशीय-प्रतिनिधिभिः सह अनुभव-विनिमयस्य अवसरः प्राप्तः। अस्मिन् सत्रे क्रीडाविकासः, अन्ताराष्ट्रिय-सहयोगस्य सुदृढीकरणम्, नवोदित-प्रतिभानां प्रोत्साहनम्, युवानां क्रीडासु प्रेरणम् इत्यादयः विषयाः विस्तारतः चर्चिताः।
सः अपि अवदत् यत् एषः मञ्चः केवलं विचारविनिमयपर्यन्तं नासीत्, अपि तु क्षेत्रीय-स्तरे वॉलीबॉल-क्रीडायाः नवीन-परिचयस्य निर्माणाय, तस्य उन्नयनाय च दृढ-रणनीतयः अपि विचारिताः। विविधदेशीय-प्रतिनिधिभिः सह सकारात्मक-संवादेन भविष्ये उत्तम-समन्वयस्य सहकारितानाम् च सम्भावनाः सुदृढाः अभवन्।
तेन उक्तं यत् क्रीडा केवलं प्रतिस्पर्धायाः माध्यमं न, अपि तु राष्ट्राणां संयोजनाय, युवानां सशक्तीकरणाय च प्रभावी साधनम् अस्ति। सः विश्वासं व्यक्तवान् यत् अस्याः सभायाः परिणामेन वॉलीबॉल-क्रीडायाः विकासाय नूतना दिङ् प्राप्ता भविष्यति, तथा च क्रीडकेभ्यः अन्तर्राष्ट्रीय-स्तरे अधिकाः अवसराः लभ्यन्ते।
अन्ते सः अवदत् यत् वॉलीबॉल फेडरेशन ऑफ इंडिया क्रीडकानां हितसंरक्षणाय तथा क्रीडायाः उन्नयनाय सदैव प्रतिबद्धा अस्ति।
---------------
हिन्दुस्थान समाचार