जयपुरम्, 19 अप्रैलमासः (हि.स.)।

भारतीयजनतादलस्य पक्षतः नारीशक्तेः स्वाभिमानस्य सम्मानाय तासां अधिकाररक्षणस्य च संकल्पेन सह सोमवासरे प्रातः 10 वादने भाजपा प्रदेश कार्यालयात् “जन आक्रोश महिला पदयात्रा” प्रारभ्यते। अस्मिन् कार्यक्रमे प्रदेशस्य सर्वतः बहुसंख्यकाः मातृशक्तयः भगिन्यश्च सहभागं करिष्यन्ति। एषा पदयात्रा नारीसम्मानस्य अधिकारस्य सशक्तिकरणस्य च समर्थनार्थं सशक्तजनस्वरूपेण आयोजिता अस्ति।

भाजपा महिला मोर्चा प्रदेशाध्यक्षः राखी राठौड़ उक्तवती यत् भारतीयजनतादलं सर्वदा महिलासशक्तिकरणे प्रतिबद्धा आसीत्। संसद् तथा विधानसभयोः महिलाभ्यः 33 प्रतिशत आरक्षणं दातुं यः संविधानसंशोधनः आनीतः, तेन माध्यमेन भाजपा नारीशक्तेः मुख्यधारायां सशक्तसहभागितां दातुं ऐतिहासिकं कार्यं कृतवती।

दुर्भाग्यवशः कांग्रेस तथा तस्य सहयोगिदलानि एतस्य महत्त्वपूर्णस्य संशोधनस्य समर्थनं न कृतवन्तः, यत् नारीशक्तेः सम्मानस्य प्रति तेषां उदासीनतां विरोधाभासपूर्णां चिन्तनं च दर्शयति। अस्य विरोधरूपेण एषा जन आक्रोश महिला पदयात्रा आयोजिता अस्ति, येन महिलानां अधिकाराणां प्रति असंवेदनशीलतायाः विरुद्धं सामान्यजनाः जागरूकाः क्रियेरन्।

---------------

हिन्दुस्थान समाचार