Enter your Email Address to subscribe to our newsletters
देवघरम्, 20 अप्रैलमासः (हि.स.)।
केन्द्रीयमहिलाबालविकासमन्त्री अन्नपूर्णादेवी नारीशक्तिवन्दनअधिनियमविधेयकस्य विषये विपक्षं प्रति तीक्ष्णमाक्रमणं कृतवती। तया उक्तं यत् एकस्मिन् पक्षे काङ्ग्रेस् तथा तस्य सहयोगिदलानि महिलानां विकासस्य विषये वदन्ति, अपरस्मिन् पक्षे यदा महिलानां राजनैतिकसशक्तीकरणार्थं आरक्षणविधेयकं प्रस्तुतं भवति, तदा तस्य विरोधं कुर्वन्ति।
पत्रकारैः सह संभाषणे केन्द्रीयमन्त्रिणा काङ्ग्रेस् दलस्य द्विविधनीतिः आरोपिता, या तस्य वास्तविकस्वभावं दर्शयति। तया अपि उक्तं यत् काङ्ग्रेस् ओबीसी आरक्षणस्य विषये वदति, किन्तु तस्य संवैधानिकरूपेण स्थापना भारतीयजनतापार्टीद्वारा कृता।
राज्यस्य विधिव्यवस्थां प्रति प्रश्नान् उत्थाप्य अन्नपूर्णादेवी अद्यतनकाले रिम्स-चिकित्सालये दन्तचिकित्साशिष्यायाः सह दुष्कर्मघटनां तथा त्रिवर्षीयबालिकायाः सह घटितां घटनां निर्दिश्य अवदत् यत् झारखण्डप्रदेशे सरकारः केवलं स्वहितेषु प्रवृत्ता अस्ति, विधिव्यवस्था च ईश्वराधीना इव दृश्यते।
महिलाआयोगस्य गठनविलम्बे चिन्तां व्यक्त्वा तया हेमन्तसोरेण-नेतृत्वयुक्तां सरकारं उत्तरदायिनीम् अकरोत्। तया उक्तं यत् सन्तालपरगणाक्षेत्रे महिलाभ्यः निरन्तरम् अत्याचाराः भवन्ति, किन्तु तासां न्यायः न लभ्यते।
अनेन सह मन्त्रिणा पश्चिमबङ्गालनिर्वाचनस्य विषये अपि वक्तव्यं कृतं यत् महिलाआरक्षणविधेयकस्य विरोधस्य प्रभावः निर्वाचनफलितेषु दृश्यते। तया दावीकृतं यत् राज्यस्य महिलाः भारतीयजनतापार्टीपक्षे मतदानं कृत्वा ममताबैनर्जी प्रति प्रत्युत्तरं दास्यन्ति।
---------------
हिन्दुस्थान समाचार