Enter your Email Address to subscribe to our newsletters
हरिद्वारम्, 20 अप्रैलमासः (हि.स.)।
उत्तराखण्ड-सर्वकारेण चारधाम-यात्रायाः यात्रिकाणां सुरक्षा-स्वच्छता-सुविधादिषु दृष्ट्या एकः अभिनवः उपक्रमः प्रारब्धः। अस्य अन्तर्गतं ग्रीन-कार्डं निर्माय यात्रां कुर्वन्तः सर्वे वाहनानि यात्रा-सुरक्षा-किट् इति सामग्री वितर्यन्ते।
अस्यां किट् मध्ये यात्रिकाणां आवश्यकतानुसारं बहूनि उपयोगि-वस्तूनि समाविष्टानि सन्ति—यथा कूड़ा-निष्कासनार्थं गार्बेज-बैग्, आपत्कालीन-स्थितौ वॉमिटिंग-बैग्, महिला-यात्रिकाणां कृते विशेषः फीमेल-यूरिन-बैग्, मास्क् तथा सैनिटाइजर् इत्यादयः।
अस्य उपक्रमस्य मुख्य-उद्देश्यं यात्रां अधिकं सुरक्षितां स्वच्छां आरामदायकां च कर्तुम् अस्ति। विशेषतः पर्वतीय-मार्गेषु यात्राकाले याः असुविधाः भवन्ति, तासां दृष्ट्या एषा किट् अत्यन्तं सहायिका भविष्यति। गार्बेज-बैग् उपयोगेन मार्गेषु कूड़ा-प्रसारणस्य समस्या अपि नियन्त्रिता भविष्यति।
एषः उपक्रमः उत्तराखण्ड-सरकारस्य परिवहन-मन्त्री प्रदीप-बत्रा-महाभागस्य प्रेरणया प्रारब्धः। अस्य संचालनं नोडल-परिवहन-चारधाम-यात्रा-अधिकारिणः संदीप-सैनेः निर्देशनाधीनं क्रियते।
परिवहन-विभागेन स्पष्टं कृतं यत् चारधाम-यात्रायाः समये यात्रिकाणां सुविधा-सुरक्षा-पर्यावरण-संरक्षणार्थं एतादृशाः उपक्रमाः भविष्ये अपि निरन्तरं प्रवर्तिष्यन्ते, येन यात्रा अधिकं सुव्यवस्थितां सुरक्षितां सुखदां च कर्तुं शक्यते।
---------------
हिन्दुस्थान समाचार