Enter your Email Address to subscribe to our newsletters
हरिद्वारम्, 20 अप्रैलमासः (हि.स.)।
हरिद्वार-नगरस्य जुर्स-कन्ट्री इति सम्पन्न-आवास-क्षेत्रे निवसन्ती नमन जैन प्राचीन-खेलकानि अन्यानि च वस्तूनि संगृह्य आवश्यकतायुक्तेषु बालकेषु वितरन्ती तेषां मुखेषु हास्यं जनयितुं कार्यं करोति।
सा गूंज इति संस्थया सह सम्बद्धा स्वयंसेविका (वालण्टियर्) रूपेण आवश्यकतायुक्त-बालकेषु एतानि वस्तूनि प्रापयितुं प्रवृत्ता अस्ति।
सोमवासरे जुर्स-कन्ट्री-क्षेत्रे आयोजिते शिविरे सा अवदत् यत् गूंज-संस्थया सह सम्बद्धा सती सा पूर्वं ऋषिकेश-नगरे त्रिवर्षाणि कार्यं कृत्वा अधुना हरिद्वारे एतत् कार्यं आरब्धवती।
सा अवदत् यत् शिविरस्य माध्यमेन जनान् जागरूकान् कृत्वा सा प्राचीन-खेलकानि, पाठ्य-सामग्री, वस्त्राणि, पात्राणि, विद्युत्-उपकरणानि च संगृह्णाति।
अनन्तरं संगृहीतानि एतानि सर्वाणि वस्तूनि गूंज-संस्थायाः दलाय समर्पयति।
एतानि सामानानि अथवा अपशिष्ट-वस्तूनि उपयोग्यरूपेण परिवर्त्य नगरस्य बस्तिषु ग्रामेषु च निवसद्भ्यः जनाभ्यः वितर्यन्ते।
सा उक्तवती यत् सर्वेषां प्रयासेन तेषां बालकानां मुखेषु हास्यं आनयितुं शक्यते, ये महत्-विद्यालयेषु पठन्तां बालकानां वेशभूषां, पाठ्यसामग्रीं च दृष्ट्वा खिन्नाः भवन्ति।
सा अपि उक्तवती यत् सर्वैः मिलित्वा आवश्यकतायुक्त-बालकानां साहाय्ये सहयोगः कर्तव्यः।
---------------
हिन्दुस्थान समाचार