Enter your Email Address to subscribe to our newsletters
गुवाहाटी-नगरम्, २१ अप्रैलमासः (हि.स.)। कांग्रेस-दलस्य नेता पवन-खेडा गुवाहाटी-उच्च-न्यायालये अग्रिम-जामिन-प्राप्त्यर्थं याचनां दत्तवान् अस्ति, यस्याः विषये अद्य (मङ्गलवासरे) श्रवणं भविष्यति।
अयं विषयः मुख्यमन्त्रिणः डॉ.हिमन्त-बिस्व-सरमणः भार्यया रिनिकी-भुइयां-सरमा-इत्यनया सह सम्बद्धेषु कथितेषु बहु-पासपोर्ट-आरोपेषु प्रसारितया भ्रामक-सूचनया सम्बन्धितः अस्ति। आरोपः अस्ति यत् पवन-खेडा-इत्यनेन अस्मिन् विषये भ्रामकाः वार्ता: प्रस्तूय प्रचारः कृतः।
सूत्राणां अनुसारं विवादस्य वर्धमानत्वात् पवन-खेडा देहली-स्थितात् स्व-निवासात् निर्गत्य कांग्रेस-शासिते तेलंगाना-राज्ये आश्रयं गृहीतवान्। अनेन घटनाक्रमेण अस्य विषयस्य विषये वैधानिकः तथा राजनैतिकः विवादः अधिकं तीव्रः जातः।
हिन्दुस्थान समाचार / अंशु गुप्ता