Enter your Email Address to subscribe to our newsletters
वाराणसी, 21 अप्रैलमासः (हि.स.)।
उत्तर प्रदेश-राज्यस्य वाराणसी-जिले मैदागिन-स्थिते भारतेंदु उद्यानस्य पुनर्विकास-कार्यं मङ्गलवासरात् प्रारब्धम्। डॉ. नीलकंठ तिवारी, वाराणसी-दक्षिणी-विधानसभा-क्षेत्रस्य विधायकः, उद्यानस्य पुनर्विकासार्थं भूमिपूजनं कृतवान्। ‘कम्पनी-गार्डन’ इति नाम्ना प्रसिद्धस्य अस्य भारतेंदु-उद्यानस्य सुन्दरीकरण-कार्यस्य शिलान्यासः नरेन्द्र मोदी-महाभागेन कृतः आसीत्।
भूमिपूजनानन्तरं विधायकः डॉ. नीलकंठ तिवारी उपस्थितान् जनान् मिष्टान्नेन सत्कृतवान्। अस्मिन् अवसरॆ सः अवदत् यत् भारतेंदु-उद्याने प्रातःकाले शतशः जनाः विहारार्थम् आगच्छन्ति। एतत् दृष्ट्वा उद्यानस्य सौन्दर्यं अत्यावश्यकम् अस्ति, यस्य कृते भूमिपूजनं सम्पन्नम्, शीघ्रमेव उद्यानस्य परिवर्तितं रूपं दृश्यते।
तेन उक्तं यत् अस्य पुनर्विकासस्य फलस्वरूपेण मैदागिन, दारानगर, विशेश्वरगंजः, नीचीबाग तथा कबीरचौरा इत्यादिषु क्षेत्रेषु निवसन्तः नागरिकाः स्वच्छे सुन्दरे च वातावरणे प्रातः-विहारस्य आनन्दं उपभोक्ष्यन्ति।
---------------
हिन्दुस्थान समाचार