काठमाण्डू-नगरम्, २१ अप्रैलमासः (हि.स.)।

नेपाल-भ्रमणाय आगतः अमेरिकीय-सहायक-विदेशमन्त्री समीर-पॉल-कपूरः राष्ट्रिय-स्वतन्त्र-पक्षः (आरएसपी) इत्यस्य अध्यक्षेन रवि-लामिछानेन सह साक्षात्कारं कृतवान्। काठमाण्डू-नगरं प्राप्य सः प्रथमं तेन सह एव साक्षात्कारं कृतवान्।

अमेरिकी-विदेश-मन्त्रालयस्य ‘ब्यूरो-ऑफ-साउथ-एशिया-एण्ड-सेन्ट्रल-एशिया-अफेयर्स’ इत्यस्य माध्यमेन कपूरः अस्य साक्षात्कारस्य विषये स्वप्रतिक्रियां मंगलवासरे सार्वजनिकीं कृतवान्।

तेन उक्तं यत् आरएसपी-पक्षस्य प्राथमिकताः तथा नेपाल-अमेरिका-सहकार्यस्य क्षेत्राणि इति विषयेषु रवि-लामिछानेन सह चर्चा अभवत्। कपूरः अवदत्—“नूतन-सरकारे राष्ट्रिय-स्वतन्त्र-पक्षस्य प्राथमिकताः अवगन्तुं तथा नेपाल-अमेरिका-सहकार्यस्य क्षेत्राणि विषये चर्चां कर्तुं काठमाण्डू-नगरे आरएसपी-अध्यक्षेन रवि-लामिछानेन सह मिलित्वा अहं प्रसन्नः अस्मि।”

सोमवासरे प्रातःकाले काठमाण्डू-नगरं प्राप्य एव कपूरः राजनैतिक-साक्षात्काराणाम् आरम्भं कृतवान्। तत्र प्राप्य अमेरिकीय-दूतावासस्य कार्यवाहक-राजदूतेन तस्मै विवरणं दत्तम्। ततः अनन्तरं सः आरएसपी-अध्यक्षं रवि-लामिछानेम् द्रष्टुं गतवान्।

हिन्दुस्थान समाचार / अंशु गुप्ता