Enter your Email Address to subscribe to our newsletters
बीकानेरम्, 21 अप्रैलमासः (हि.स.)।धार्मिक-सांस्कृतिक-ऐतिहासिकनिक्षेपाणां संरक्षणस्य दिशि बीकानेर-नगरेण पावनभूमेः “वसुधा हेरिटेज प्रोटेक्शन मिशन” इति महत्त्वपूर्णस्य उपक्रमस्य शुभारम्भः कृतः।
अस्मिन् अवसरे स्वामी विमर्शानंद गिरि, विधायक सिद्धि कुमारी, विधायक जेठानंद व्यास तथा क्षत्रिय-सभा-अध्यक्षः करण प्रताप सिंह इत्यादयः पोस्टर-विमोचनं कृतवन्तः। तेषां सह बहवः गणमान्य-नागरिकाः उपस्थिताः आसन्।
स्वामी विमर्शानन्द-गिरिजी उक्तवन्तः यत् एतस्मै मिशनाय सर्वतोभावेन वैचारिकं शारीरिकं च सहयोगं दास्यन्ति तथा धरोहर-रक्षणस्य दृढं संकल्पं पुनरुक्तवन्तः।
संस्थापक-संरक्षकः राष्ट्रियाध्यक्षः जय सिंह चौहान उक्तवान् यत् “वसुधा हेरिटेज प्रोटेक्शन मिशन” भारतस्य “वसुधैव कुटुम्बकम्” इति विचारधारायाः स्रोतः अस्ति। एतत् केवलं अभियानं न, अपि तु अस्माकं संस्कृति-इतिहास-परम्पराणां संरक्षणाय निर्भीकः अनुशासितः च संकल्पः, यः सामूहिक-राष्ट्रिय-जनचेतनायाः विस्तीर्णं लक्ष्यं वहति।
अस्मिन् अवसरे बाबू सिंह अपि स्वविचारान् व्यक्तवान्। व्यवसाई-समाजसेवी गजेंद्र सिंह अपि स्वस्य युवदलेन सह अस्य मिशनस्य कार्यक्रमेषु सक्रियतया सहभागित्वं कर्तुं संकल्पं कृतवान्। सः उक्तवान् यत् एतत् केवलं संगठनं न, अपि तु जनसामान्यस्य हृदये स्वसंस्कृतेः राष्ट्रियधरोहरस्य च संरक्षणस्य अवसरः अस्ति, यः विश्वव्यापिनि जनसमूहे नूतन-चेतनां सञ्चारयिष्यति।
भंवरसिंह स्याणी, त्रिलोक सिंह चौहान, तथा हिन्दी-मारवाड़ी-चलच्चित्रेषु अभिनेता-निर्देशकः राम दयाल भाटी, यतेंद्र चढ़ा इत्यादयः अपि राष्ट्रिय-निक्षेप-रक्षणाय संकल्पं कृतवन्तः।
आगामिषु दिनेषु अस्य मिशनस्य माध्यमेन प्राचीन-धरोहराणां, ऐतिहासिक-स्थलानां, मन्दिराणां तथा सांस्कृतिक-परिचयस्य संरक्षणाय ग्रामेषु, नगरेषु, विद्यालयेषु महाविद्यालयेषु च जागरूकता-अभियानाः सञ्चालयिष्यन्ते।
संस्थापक-संरक्षकः राष्ट्रियाध्यक्षः जय सिंह चौहान अपि उक्तवान् यत् मां करणी-आशीर्वादेन बीकानेरस्य पवित्रभूमेः अस्य मिशनस्य आरम्भः विशेषमहत्त्वं वहति। एषा एव सा भूमि यतः संस्कृति-शौर्य-समृद्ध-परम्पराणां कीर्तिः विश्वे प्रसृता।
एतत् मिशनं जन-जागरूकतां प्रसारयिष्यति, सामाजिक-सहभागितां वर्धयिष्यति तथा युवान् संयोजयिष्यति, येन आगामि-पीढ्यः कृते अस्माकं अमूल्या धरोहराः सुरक्षिताः स्युः।
“धरोहर अस्माकं परिचयः अस्ति, तस्य संरक्षणं अस्माकं कर्तव्यं” — एतेन सन्देशेन बीकानेरात् नूतना सकारात्मक-आरम्भः अभवत्।
---------------
हिन्दुस्थान समाचार