Enter your Email Address to subscribe to our newsletters
हुगली-जनपदः, २३ अप्रैलमासः (हि.स.)। पश्चिम-बङ्गाल-राज्यस्य विधानसभानिर्वाचनम् २०२६ अन्तर्गतं निर्वाचन-उत्साहस्य मध्ये श्रीरामपुर-विधानसभा-क्षेत्रात् भारतीय-जनता-पक्षस्य अभ्यर्थी भास्कर-भट्टाचार्यः गुरुवासरे प्रातःकाले विलक्षण-रीत्या प्रचार-अभियानं प्रारब्धवान्।
भास्कर-भट्टाचार्यः प्रातःकाले श्रीरामपुर-रेलवे-स्थानकात् श्रीरामपुर-हावड़ा-स्थानीय-रेलयाने आरूढः सन् यात्रायाः समये सामान्य-यात्रिणां मध्ये गत्वा प्रत्यक्ष-संवादं कृतवान्। सः नित्य-यात्रिणा सह संवादं कृत्वा तेषां समस्याः अशृणोत् तथा तान् भाजपा-पक्षे मतदानं कर्तुम् आह्वानं कृतवान्।
प्रचार-अभियानस्य समये श्रीरामपुरात् ऋषड़ा-स्थानक-पर्यन्तं रेलयानस्य कक्षे सः जनैः सह सम्पर्कं साधितवान्। अस्मिन् अवसरे यात्रिणां मध्ये उत्साहः दृष्टः तथा अनेके जनाः तस्य अभियानस्य समर्थनं व्यक्तवन्तः।
भाजपा-अभ्यर्थिन: एषः प्रयासः भूमितल-स्तरे जनैः सह सम्बद्धतां स्थापयितुं परम्परागत-प्रचार-पद्धतिभ्यः भिन्नः मन्यते, यत्र सः सामान्य-जनानां मध्ये गत्वा प्रत्यक्ष-संवादाय प्राथमिकतां दत्तवान्।
हिन्दुस्थान समाचार / अंशु गुप्ता