Enter your Email Address to subscribe to our newsletters
नवदिल्ली, 23 अप्रैलमासः (हि.स.)।
महिलाकाङ्ग्रेससंस्थया नारीशक्तिवन्दनाधिनियमः २०२३ शीघ्रं प्रवर्तनीयः इति माग्ध्येन अत्र गोलडाकखानस्य समीपे पोस्टकार्ड-अभियानम् आयोजितम्। अस्मिन् अवसरे महिला-प्रदर्शनकारिण्यः सरकारस्य विरुद्धं घोषणां कृत्वा हस्ताक्षर-अभियानम् अपि सञ्चालितवन्त्यः।
उल्लेखनीयम् यत् अखिलभारतीयमहिलाकाङ्ग्रेससंस्थया बुधवासरे लोकसभायाः वर्तमान ५४३ आसनानां आधारेण महिलाभ्यः त्रयस्त्रिंशत्-प्रतिशत (३३%) आरक्षणस्य कार्यान्वयनार्थं देशव्यापि “पोस्टकार्ड-अभियानस्य” घोषणा कृता आसीत्।
एआईएमसी-अध्यक्षया अलकालाम्बया पत्रकारसम्मेलने उक्तम् आसीत् यत् अस्य अभियानस्य उद्देश्यं दशलक्षमहिलाः संयोज्य प्रधानमन्त्रिणं प्रति पोस्टकार्डानि प्रेषयितुम् अस्ति। एतेषु पोस्टकार्डेषु नारीशक्तिवन्दनाधिनियमः २०२३ त्वरितं प्रवर्तनीयः इति माग्धा करिष्यते।
---------------
हिन्दुस्थान समाचार