जौनपुर-नगरम्, २३ अप्रैलमास: (हि.स.)। नगरस्य बी.आर.पी. इण्टर-कालेज-प्राङ्गणे बुधवासरे सप्तदिवसीय-श्रीमद्भागवत-कथायाः भव्य-शुभारम्भः अभवत्। अस्य आयोजनस्य प्रारम्भः नैमिषारण्य-क्षेत्रे सीतापुर-जनपदे स्थितस्य सनातन-उत्थान-फाउण्डेशन-संस्थापकस्य शिवानन्द-भाई-श्री-महाराजस्य सान्निध्ये कृतः।

कथायाः प्रथम-दिने शिवानन्द-महाराजेन कलियुगे श्रीमद्भागवतस्य महिमा तथा संकीर्तनस्य महत्त्वं विस्तरेण प्रकाश्य प्रस्तुतम्। स: भगवत् स्तुतिं कुर्वन् भागवत-माहात्म्यस्य वर्णनं कृतवान् तथा गोकर्णस्य तस्य भ्रातुः धुन्धकारी-इत्यस्य च प्रसङ्गं श्रावितवन्तः। उक्तं च यत् धुन्धकारी स्वजीवने दुष्कर्मसु संलग्नः आसीत्, यस्य कारणात् मृत्योः अनन्तरं सः प्रेत-योनिं प्राप्तवान्। गोकर्णः स्वभ्रातुः मुक्त्यर्थं सूर्य-भगवतः निर्देशानुसारं श्रीमद्भागवत-कथायाः आयोजनं कृतवान्, यस्य श्रवणमात्रेण धुन्धकारी प्रेत-योनेः मुक्तिं प्राप्तवान्।

महाराजेन उक्तं यत् श्रीमद्भागवत-महापुराणं भगवत: श्रीकृष्णस्य लीलाभिः सम्बद्धम् अस्ति, यत् भक्ति-ज्ञान-वैराग्यस्य अमृत-स्त्रोतः अस्ति। अस्य श्रवणेन जनस्य आध्यात्मिक-विकासः भवति तथा भगवान् प्रति श्रद्धा वर्धते। स: अवदन् यत् एतस्या: पावन-कथायाः श्रवणेन मनुष्यः मृत्योः भयात् विमुक्तः भवति तथा जीवनम् सकारात्मक-परिवर्तनं प्राप्नोति।

कार्यक्रमे जनपदाधिकारी डॉ.दिनेश-चन्द्र-सिंहः तथा मुख्य-विकास-अधिकारी ध्रुव-खड़िया अपि आगत्य कथां श्रुतवन्तौ तथा आरार्तिक्यां भागं गृहीतवन्तौ। जनपदाधिकारी उक्तवान् यत् श्रीमद्भागवत-कथायाः श्रवणं परम-पुण्यदायकम् अस्ति। सः व्यासपीठे विराजमानस्य गुरुजनस्य प्रशंसां कृत्वा अवदत् यत् ज्ञानं एव सर्वोत्तमं सम्मानम् अस्ति, येषां समीपे भागवत-ज्ञानम् अस्ति तेषां स्थानं सर्वोच्चम् अस्ति। सः जनान् कथोपदेशान् स्वजीवने आचरितुं आह्वानं कृतवान्।

अस्मिन् अवसरे बी.आर.पी. इण्टर-कालेज-इत्यस्य प्रधानाचार्यः डॉ.प्रमोद-श्रीवास्तवः, पंकज-श्रीवास्तवः ‘हैप्पी’, नवनीत-श्रीवास्तवः, अंजना-सिंहः, प्रदीप-सिंहः ‘रिंकू’, मनीष-चौरसिया, ऋतुराज-सिंहः ‘छोटू’, सतीश-सिंहः तथा वरिष्ठ-पत्रकारः विश्व-प्रकाश-श्रीवास्तवः इत्यादयः अनेके श्रद्धालवः उपस्थिताः आसन्।

हिन्दुस्थान समाचार / अंशु गुप्ता