-भीषणोष्णतायां परीक्षार्थिभ्यो रक्षणनिर्देशाः,प्रत्येकस्मिन् केंद्रे जलं, चिकित्सायाः सुचारु यातायातस्य च व्यवस्था अनिवार्या

लखनऊ, 23अप्रैलमासः (हि. स.)।

योगी आदित्यनाथः बुधवासरे रात्रौ होमगार्ड-स्वयंसेवक-नियुक्ति-परीक्षा, स्मार्ट-मीटर-सम्बद्ध-व्यवस्थाः, पेट्रोलियम-उत्पादानां उपलब्धता, तथा प्रदेशस्य कानून-व्यवस्था इत्यादिषु विविधेषु महत्त्वपूर्णेषु विषयेषु वीडियो-संवाद-माध्यमेन उच्चस्तरीय-समीक्षा-सभा आयोजितवान्।

सभायां सः 25, 26 तथा 27 अप्रैल-दिनाङ्केषु प्रस्तावितायाः होमगार्ड-भर्ती-परीक्षायाः सज्जताः, जन-सुविधाः तथा सुरक्षा-व्यवस्था इत्येतयोः विषये अधिकारिभ्यः विस्तृत-दिशा-निर्देशान् दत्तवान्।

मुख्यमंत्री उक्तवान् यत् होमगार्ड-स्वयंसेवकानां भर्ती-परीक्षा प्रथमवारं पुलिस-भर्ती-प्रोन्नति-बोर्ड-माध्यमेन आयोज्यते, अतः सर्वे सम्बन्धित-अधिकारी विशेष-सावधानतां वहन्तु। येषु जनपदेषु अलीकाले नूतन-जिलाधिकारी नियुक्ताः, ते सम्बन्धित-मण्डलायुक्तैः तथा एडीजी-आईजी-स्तर-अधिकारिभिः सह सम्यक् समन्वयं सुनिश्चितयन्तु।

मुख्यमंत्रीनाऽपि निर्देशाः दत्ताः0 यत् परीक्षायाः शुचिता गोपनीयता च विषये कस्यापि प्रकारस्य सम्झौता न स्वीक्रियते। परीक्षायाः निष्पक्षतां भङ्गयितुं यः कश्चन प्रयासं करोति, तस्य विरुद्धं कठोरतम-कार्यवाही क्रियते। सामाजिक-माध्यमेषु सतत-निगरानी स्थापनीया तथा अफवाह-प्रसारकानां विरुद्धं त्वरित-कार्यवाही सुनिश्चितीकरणीया।

सभायां अवगतं कृतम् यत् प्रदेशस्य 74 जनपदेषु 41,424 होमगार्ड-स्वयंसेवक-पदानि पूरयितुं परीक्षा त्रिदिनेषु द्वि-पालीषु आयोजिता भविष्यति।

भीषण-उष्णतां दृष्ट्वा मुख्यमंत्री सर्वेषु परीक्षा-केन्द्रेषु शीतल-पेय-जलस्य पर्याप्त-व्यवस्था, आपत्कालीन-चिकित्सा-सुविधाः च उपलब्धाः स्युः इति निर्देशितवान्, तथा परीक्षार्थिनः अनावश्यकतया सूर्यतापे न प्रतीक्षेरन् इति अपि उक्तवान्। बहुसंख्यक-परीक्षार्थिनां आवागमनं दृष्ट्वा यातायात-व्यवस्था सुचारुता सुनिश्चितीकरणीया। जिला-प्रशासनैः सर्वेषां परीक्षा-केन्द्राणां पूर्व-निरीक्षणं कृत्वा व्यवस्थाः भौतिकतया सत्यापनीयाः।

कानून-व्यवस्था-दृष्ट्या विशेष-सावधानतां निर्देशयन् मुख्यमंत्री उक्तवान् यत् केषुचित् जनपदेषु अराजक-तत्त्वैः जातीय-तनाव-संघर्ष-उत्पादनस्य प्रयासाः क्रियन्ते। सर्वे अधिकारी अत्यन्तं सजगाः सन्तु तथा कस्यापि स्थितेः उत्पत्तेः पूर्वमेव प्रभावी-निरोधात्मक-कार्यवाही सुनिश्चितीकरणीया।

अद्यतन-दिनेषु केषुचित् प्रदेशेषु औद्योगिक-अशान्तेः प्रयासान् निर्दिश्य सः उक्तवान् यत् यद्यपि वर्तमाने स्थितिः सामान्यास्ति, तथापि आगामी 30 अप्रैलतः 02 मई-पर्यन्तं पुनः एतेषां प्रयासानां संभावना अस्ति। प्रदेशे औद्योगिक-अशान्तिः कदापि न स्वीक्रियते, तथा एताः दुष्ट-प्रयत्नाः दृढतया विफलाः क्रियन्ताम्।

भीषण-उष्णतायाः सन्दर्भे मुख्यमंत्री सर्वेषां बारूद-कोष्ठानां तथा आतिशबाजी-कारखानानां विशेष-निरीक्षणं कर्तुं निर्देशान् दत्तवान्, येन कस्यापि दुर्घटनायाः संभावना निवारिता भवेत् तथा सर्वे सुरक्षा-मानकाः कठोरतया पालनीयाः।

पेट्रोलियम-उत्पादानां उपलब्धतायाः समीक्षां कुर्वन् सः उक्तवान् यत् जनसामान्ये अनावश्यक-भयः न भवेत्। आपूर्ति-वितरणं पूर्णतया सामान्यं वर्तते। अस्य विषये समय-समये जनान् सूचयितुं आवश्यकम्। सर्वे जिलाधिकारी स्व-जनपदेषु पेट्रोलियम-कम्पनीनां प्रतिनिधिभिः सह नियमित-संवादं कृत्वा आपूर्ति-वितरणस्य समीक्षा कुर्वन्तु। नेपाल-सीमासन्न-जनपदेषु कालाबाजारी-संचय-नियन्त्रणं सुनिश्चित्यताम्।

मुख्यमंत्री उक्तवान् यत् स्मार्ट-विद्युत-मीटर-विषये उत्पन्नानां संशयानां समाधानार्थं विशेषज्ञ-समितिः गठिता अस्ति, यस्याः प्रतिवेदनं शीघ्रमेव प्राप्तं भविष्यति। अस्मिन् मध्ये सर्वेषु जिलेषु विद्युत-वितरण-निगमः तथा पावर-कॉर्पोरेशन फीडर-आधारित-विशेष-शिविरान् सप्ताहपर्यन्तं आयोजयित्वा उपभोक्तृणां समस्याः स्थले एव समाधानं करिष्यतः। एतेषां शिविराणां विषये व्यापक-जन-जागरूकता अपि सुनिश्चितीकरणीया।

---------------

हिन्दुस्थान समाचार