Enter your Email Address to subscribe to our newsletters
नवदेहली-नगरम्, २३ अप्रैलमासः (हि.स.)। ‘बाहुबली’ तथा ‘आरआरआर’ इत्यादिनां भव्य-चलचित्राणां निर्देशकः एस.एस.राजामौली अधुना स्वस्य नवीन-चलचित्रं ‘वाराणसी’ इत्यस्य माध्यमेन अन्ताराष्ट्रिय-मञ्चं प्रति गच्छति।
अस्य चलचित्रस्य ग्लोबल-डेब्यू २४ अप्रैलदिने “कॉमिक कॉन एक्सपीरियंस मेक्सिको” इति विश्वप्रसिद्ध-पॉप-कल्चर-समारोहे भविष्यति। एषः प्रथमः अवसरः यत्र चलचित्रस्य प्रथम-दृश्यं वैश्विक-दर्शकानां समक्षं प्रस्तुतं भविष्यति।
निर्मातृभिः उक्तं यत् विशेष-प्रस्तुतेः शीर्षकं “वाराणसी टू द वर्ल्ड” इति निर्धारितम् अस्ति। अस्मिन् कार्यक्रमे चलचित्रस्य प्रथमदृश्यं तथा विशेषः बिहाइण्ड-द-सीन्स-वीडियो अपि प्रदर्शितः भविष्यति, यः पूर्वं कदापि सार्वजनिकः न कृतः।
कार्यक्रमे निर्देशकस्य एस.एस. राजामौल्याः एकः पूर्व-अभिलेखतः सन्देशः अपि प्रसारितः भविष्यति, यस्मिन् सः चलचित्रस्य दृष्टिकोणं तथा वैश्विक-उद्देश्यं विषये वदिष्यति।
अस्मिन् चलचित्रे महेश-बाबुः प्रमुख-भूमिकायां, प्रियङ्का-चोपड़ा तथा पृथ्वीराज-सुकुमारनः सह-कलाकाररूपेण दृश्यन्ते। CCXP मेक्सिको इति लैटिन-अमेरिकायाः बृहत्तमः पॉप-कल्चर-मञ्चः अस्ति, यत्र विश्वप्रसिद्ध-चलचित्र-श्रृङ्खलानां प्रस्तुतीकरणं भवति।
विशेषज्ञाः मन्यन्ते यत् ‘वाराणसी’ इत्यस्य अस्मिन् अन्तरराष्ट्रीय-मञ्चे प्रवेशः भारतीय-चलचित्र-उद्योगस्य कृते महत्त्वपूर्णा उपलब्धिः अस्ति। चलचित्रस्य प्रथम-दृश्यस्य एव दर्शकानां मध्ये उत्सुकता वर्धिता अस्ति।
चलचित्रस्य औपचारिक-प्रदर्शनं अप्रैल २०२७ मध्ये प्रस्तावितम् अस्ति, किन्तु ततः पूर्वमेव अस्य वैश्विक-प्रचारः आरब्धः अस्ति।
हिन्दुस्थान समाचार / अंशु गुप्ता