Enter your Email Address to subscribe to our newsletters
पूर्वसिंहभूम-जनपदे, २४ अप्रैलमासः (हि.स.)। जनपदे अनुकम्पा-आधारेण नियुक्तिं प्राप्तवताम् आश्रितानां कृते शुक्रवासरः महत्त्वपूर्णः अभवत्। समाहरणालय-स्थिते उपायुक्त-कार्यालये आयोजितस्य कार्यक्रमस्य समये उपायुक्तः राजीवरंजन: त्रिभ्यः आश्रितेभ्यः नियुक्ति-प्रमाणपत्राणि प्रदत्तवान्।
अस्मिन् अवसरे अमित-बेरा तथा सुभाष-हांसदा इत्येताभ्यां वर्ग-३ पदे, अर्थात् निम्नवर्गीय-लिपिकरूपेण नियुक्तिः प्रदत्ता; जयन्त-सिंहाय तु वर्ग-४ पदे अनुसेविरूपेण नियुक्तिः प्राप्ता। नियुक्तिपत्र-प्राप्य सर्वेषां नवनियुक्त-कर्मचारिणां मुखेषु हर्षः स्पष्टतया प्रतिबिम्बितः आसीत्।
उपायुक्तः सर्वान् नियुक्त-कर्मचारिणः अभिनन्द्य अवदत् यत् एषः अवसरः तेषां कृते दायित्वेन सह सेवां कर्तुं अस्ति। सः निर्देशं दत्तवान् यत् ते स्वकर्तव्यानि निष्ठया सत्यतया च निर्वहेयुः तथा कार्यालयीय-कार्येषु पारदर्शिता, अनुशासनम् उत्तरदायित्वं च धारयन्तु। सहैव सः जनसेवां सर्वोच्च-प्राथमिकतया स्वीकरणीयाम् इति अपि उक्तवान्।
कार्यक्रमस्य समये प्रशासनिक-अधिकारिणां उपस्थितौ एषा नियुक्ति-प्रक्रिया सम्पन्ना अभवत्, येन आश्रितानां सर्वकारी-सेवायां अवसरः प्राप्तः तथा तेषां परिवाराणामपि समर्थनं सुदृढं जातम्।
हिन्दुस्थान समाचार / अंशु गुप्ता