जयपुर-नगरम्, २४ अप्रैलमासः (हि.स.)। पुष्य-नक्षत्रे शुक्रवासरे राजधानी-जयपुरे प्रथमपूज्य-गणेश-महाराजस्य वेदमन्त्र-उच्चारणेन सह पुष्याभिषेकः कृतः। दुग्धेन पञ्चामृतेन च अभिषेकं कृत्वा सिन्दूर-चोलकं समर्प्य नवीन-वस्त्रं धारितं कारितम्। अथर्वशीर्ष-मन्त्रैः सह मोदकानि अपि अर्पितानि। गढ़-गणेश-मन्दिरे महन्त-प्रदीप-औदीच्यस्य सान्निध्ये पुरुषाकृति-गणेशस्य पञ्चामृत-अभिषेकं कृत्वा पुष्पैः शोभन-श्रृङ्गारः कृतः, क्षीरं विविध-व्यञ्जनानि च नैवेद्यरूपेण समर्पितानि।

मोती-डूंगरी-गणेश-मन्दिरे महन्त-पण्डित-कैलाश-शर्मणः सान्निध्ये एकपञ्चाशत्-किलोग्राम-परिमितेन दुग्धेन, एकविंशत्-किलोग्राम-परिमितेन दध्ना, घृतेन, बूरा-शर्करया, मधुना, केवड़ा-जलेन, गुलाब-जलेन, केवड़ा-इत्रेण तथा पाटल-इत्रेण च विघ्न-विनाशकस्य अभिषेकः कृतः। गङ्गाजलेन सह पञ्चामृत-अभिषेकः सम्पन्नः, अनन्तरं शुद्ध-स्नानं कारितम्। सिन्दूर-चोलकं समर्प्य श्रीगणपति-सहस्रनाम-पाठेन सह १००१ मोदकानि अर्पितानि। पूजनोपरान्तं श्रद्धालुभ्यः रक्षासूत्रं स्वास्थ्यार्थं हरिद्रा-प्रसादः च वितरितः, यत् ग्रहीतुं भक्तजनाः समागता अभवन्। अपराह्णे भगवतः पुष्प-बङ्गले प्रतिष्ठापनं कृत्वा क्षीर-नैवेद्यं समर्पितम्।

चांदपोल-परकोट-स्थिते गणेश-मन्दिरे अपि शुभ-पुष्य-नक्षत्रे भगवतः गणेशस्य भव्य-अभिषेकः भक्त्या सम्पन्नः, यत्र बहवः श्रद्धालवः उपस्थिताः आसन्, मन्दिर-परिसरः “गणपति-बप्पा” इति घोषैः निनादितः अभवत्। महन्त-पण्डित-अमित-शर्मणः सान्निध्ये शताधिक-किलोग्राम-दुग्धेन पञ्चामृतेन च अभिषेकः कृतः। तत्र दुग्ध-दधि-मधु-गङ्गाजल-केवड़ा-जल-गुलाब-जल-केसर-जलैः विधिवत् पूजनं सम्पन्नम्। अभिषेकानन्तरं सिन्दूर-चोलकं समर्प्य नवीन-वस्त्रं धारितं कारितम्, येन मन्दिरस्य वातावरणम् आध्यात्मिक-प्रभया आलोकितम्।

पूजन-समये गणपति-अथर्वशीर्षस्य तथा गणपति-अष्टोत्तर-नामावलयाः पाठः कृतः, मोदकानि अर्पितानि। श्रद्धालवः सामूहिकतया अथर्वशीर्ष-पाठं कृत्वा दूर्वां समर्प्य सुख-समृद्धेः कामनां कृतवन्तः। अस्मिन् अवसरे भक्तेभ्यः हरिद्रा-गुटिका सुपारी च प्रसादरूपेण वितरिता, या लक्ष्मी-स्वरूपा इति मन्यमाना श्रद्धया स्वीकृता। सम्पूर्णे आयोजने मन्दिर-परिसरः भक्तिमय-वातावरणेन परिपूर्णः आसीत्।

ब्रह्मपुरी-स्थिते दक्षिणावर्ती-नहर-गणेश-मन्दिरे महन्त-जय-शर्मणः सान्निध्ये गणपतिः दूर्वा-मार्जन-अभिषेकं कृत्वा नवीन-वस्त्रं धारितवान्, मोदक-नैवेद्यं च अर्पितम्। सूरजपोल-बाजार-स्थिते श्वेत-सिद्धि-विनायक-मन्दिरे अपि पञ्चामृत-अभिषेकः कृत्वा नवीन-वस्त्रं धारितं कारितम्। चौड़ा-रास्ता-स्थिते काले-गणेश-मन्दिरे, दिल्ली-बायपास-मार्ग-स्थिते आत्माराम-गणेश-मन्दिरे, बड़ी-चौपड़-स्थिते ध्वजाधीश-गणेश-मन्दिरे च अन्येषु अपि गणेश-मन्दिरेषु पुष्याभिषेक-आयोजनानि सम्पन्नानि।

हिन्दुस्थान समाचार / अंशु गुप्ता