Enter your Email Address to subscribe to our newsletters
कोलकाता, 24 अप्रैलमासः (हि.स.)। पश्चिमबङ्गालराज्यस्य विधानसभानिर्वाचने कोलकातानगरस्य चौरङ्गीविधानसभाक्षेत्रम् अस्मिन् वारे अत्यन्तं चर्चितेषु स्पर्धासु समाविष्टम् अभवत्। पूर्वं कांग्रेसपक्षस्य प्रभावशाली नेता तथा कोलकातानगरनिगमस्य पूर्वपार्षदः सन्तोषपाठकः निर्वाचनात् पूर्वमेव भारतीयजनतापक्षे सम्मिलितः। क्षेत्रे दृढजनाधारयुक्तः सन्तोषपाठकः भाजपा-पक्षेण चौरङ्गीस्थानात् प्रत्याशी कृतः, यस्य आगमनेन अत्र स्पर्धा अतीव रोचकता प्राप्तवती।
चौरङ्गीक्षेत्रे तृणमूलकांग्रेसपक्षेण वर्तमानविधायिका नयना बन्द्योपाध्याय पुनः प्रत्याशी कृताऽस्ति। सा द्विवारं निरन्तरं निर्वाचिता अस्ति तथा वरिष्ठतृणमूलनेता सुदीपबन्द्योपाध्यायस्य पत्नी अस्ति। एकतः तृणमूलकांग्रेसः स्वाधिकारं स्थापयितुं दावं करोति, अपरतः भाजपा तस्य अपहरणार्थं पूर्णबलं प्रयुङ्क्ते।
हिन्दुस्थानसमाचारसंस्थया सह विशेषवार्तायां भाजपा-प्रत्याशी सन्तोषपाठकः अवदत् यत् अस्मिन् वारे केवलं चौरङ्गी न, अपि तु समग्रे पश्चिमबङ्गाले तृणमूलकांग्रेसस्य पराजयः भविष्यति।
जनता भ्रष्टाचारेण पीडिता
सः अवदत् यत् केवलं चौरङ्गी न, समग्रराज्यस्य जनाः अपि भाजपा-पक्षं समर्थनं दास्यन्ति। तेन आरोपितं यत् तृणमूलशासने भ्रष्टाचारः पराकाष्ठां गतः, प्रशासनव्यवस्था भग्ना, विधिव्यवस्था च अत्यन्तं दूषिता। जनाः दीर्घकालात् एतां स्थितिं सहन्ते, अधुना परिवर्तनं इच्छन्ति।
“बाहरी” विषयः
मुख्यमन्त्री ममता बनर्जी द्वारा भाजपा “बाहरी” इति उक्ते सन्तोषपाठकः प्रत्युत्तरं दत्तवान्। सः उक्तवान् यत् तृणमूलकांग्रेसः अपि आसनसोलक्षेत्रात् शत्रुघ्नसिन्हा तथा कीर्तिआजाद इत्यादीन्, ये बङ्गालदेशीयाः न सन्ति, प्रत्याशिनः कृत्वा निर्वाचितवन्तः। अतः भाजपा विषये एषः आरोपः केवलं राजनैतिकनाटकम् इति।
राजीवकुमारविषये आरोपाः
सन्तोषपाठकः पश्चिमबङ्गालपुलिसदलस्य पूर्वमहानिदेशकः वर्तमानराज्यसभासदस्यः राजीवकुमारम् अपि लक्ष्यीकृतवान्। तेन उक्तं यत् सः देशस्य अत्यन्तभ्रष्टाधिकारिषु गणनीयः अस्ति तथा तृणमूलनेतृणां भ्रष्टाचारं गुप्तीकर्तुं महत्त्वपूर्णां भूमिकां निर्वहति।
ममता बनर्जी विषये टिप्पणी
सः उक्तवान् यत् सः ममता बनर्जीम् व्यक्तिगतया जानाति, पूर्वं सा तस्य गृहम् अपि आगच्छति स्म। सः आरोपितवान् यत् सा नाट्यरूपेण राजनीतिं करोति, जनाः तस्याः आचरणं ज्ञातवन्तः।
भाजपा संकल्पपत्रम्
सः अवदत् यत् देशस्य त्रयोदशसु राज्येषु भाजपा-शासनं सुशासनस्य उदाहरणम् अस्ति। यदि बङ्गाले अपि भाजपा-सरकारः भविष्यति तर्हि महान् परिवर्तनः दृश्यते।
महिलानां यूनां च वचनानि
भाजपापक्षेण महिलाभ्यः मासिकं त्रिसहस्ररूप्यकाणि दास्यन्ति, सार्वजनिकयानयात्रा निःशुल्का भविष्यति। युवानां प्रतियोगितापरीक्षाप्रस्तुत्यर्थं पञ्चदशसहस्ररूप्यकाणि, तथा कार्यप्राप्तेः पर्यन्तं मासिकं त्रिसहस्ररूप्यकाणां भत्तं दास्यते।
डबल-इञ्जिन-सरकारः
सः अवदत् यत् भाजपा-सरकारे सति केन्द्रराज्ययोः योजनानां संयुक्तलाभः भविष्यति, विकासगतिर्वेगेन वर्धिष्यते।
आयुष्मानभारतयोजना
तस्य आरोपः यत् अन्येषु राज्येषु आयुष्मानभारतयोजनया निःशुल्कचिकित्सा लभ्यते, किन्तु पश्चिमबङ्गालजनाः तस्मात् वञ्चिताः। स्वास्थ्यसाथीयोजना केवलं प्रदर्शनम् इति तेन उक्तम्।
जीविका उद्योगश्च
सः अवदत् यत् बङ्गालस्य औद्योगिकदशा दूषिता अस्ति, युवानः अन्येषु राज्येषु कार्यार्थं गच्छन्ति। भाजपा-शासने एककोटि रोजगारसृजनं भविष्यति, उद्योगाः विकसिताः भविष्यन्ति, बङ्गालः पुनः “सोनारबङ्गला” भविष्यति।
उपसंहारः
सन्तोषपाठकः उक्तवान् यत् चौरङ्गीक्षेत्रे जनाः परिवर्तनस्य पक्षे सन्ति। तेन आरोपितं यत् नयना बन्द्योपाध्याय जनानां मध्ये सक्रियतया न दृश्यते। अतः अस्मिन् वारे केवलं चौरङ्गी न, अपि तु समग्रे पश्चिमबङ्गाले तृणमूलकांग्रेसः पराजयं प्राप्स्यति, भाजपा-सरकारः स्थाप्यते। एतत् निर्वाचनं केवलं शासनपरिवर्तनस्य न, अपि तु बङ्गालस्य भविष्यपरिवर्तनस्य निर्णायकं भविष्यति।
हिन्दुस्थान समाचार