Enter your Email Address to subscribe to our newsletters
मंदसौरम्, 24 24 अप्रैलमासः (हि.स.)।
मंदसौर जनपदे मध्य प्रदेश स्वास्थ्याधोसंरचनाविकासाय नूतनगतिं दत्त्वा उपमुख्यमन्त्री जगदीशदेवड़ा तथा लोकनिर्माणविभागमन्त्री राकेशसिंह शुक्रवासरे इंदिरा गांधी जिला चिकित्सालय मध्ये समग्रतः 29 कोटि 52 लक्षरूप्यकव्ययेन विविधनिर्माणकार्याणां लोकार्पणं भूमिपूजनं च कृतवन्तौ।
अस्मिन् अवसरे 7 कोटि 50 लक्षरूप्यकव्ययेन निर्मितः 100 शय्यायुक्तः नवीनवार्डः तथा 17 कोटि 29 लक्षरूप्यकव्ययेन निर्मितः 100 शय्यायुक्तः मातृशिशुस्वास्थ्य (एमसीएच) भवनः लोकार्पितः। सह 4 कोटि 73 लक्षरूप्यकव्ययेन चांदाखेड़ीफण्टा तः खजुरिया मार्गनिर्माणकार्यस्य भूमिपूजनम् अपि कृतम्।
उपमुख्यमन्त्री जगदीशदेवड़ा उक्तवान् यत् राज्यसरकारः स्वास्थ्यसुविधानां सुदृढीकरणाय निरन्तरं कार्यं करोति। सः अवदत् यत् मेडिकलकॉलेजानां स्थापना द्वारा चिकित्सालयेषु स्वास्थ्यकेन्द्रेषु च वैद्यकानां न्यूनता शनैः शनैः निवारिता भविष्यति। सः अपि उक्तवान् यत् अधुना प्रत्येकस्मिन् जनपदे मेडिकलकॉलेजस्थापनाय तीव्रगत्या कार्यं प्रवर्तते।
लोकनिर्माणविभागमन्त्री राकेशसिंह अवदत् यत् एते लोकार्पिताः स्वास्थ्यभवनाः केवलं भवनानि न सन्ति, अपि तु भविष्यस्य आशानां केन्द्राणि सन्ति। एते विशेषतः मातॄणां भगिनीनां च उत्तमस्वास्थ्यसेवानां कृते समर्पिताः भविष्यन्ति।
अस्मिन् कार्यक्रमे लोकसभासांसदः सुधीरगुप्ता, राज्यसभासांसदः बंशीलालगुर्जर, जिलापञ्चायताध्यक्षः दुर्गाविजयपाटीदार, गरोठविधायकः चन्दर सिंह सिसोदिया, भाजपाजिलाध्यक्षः राजेशदीक्षित, नगरपालिकाध्यक्षः रमादेवीगुर्जर इत्यादयः जनप्रतिनिधयः प्रशासनिकाधिकारीणः नागरिकाश्च उपस्थिताः आसन्।
निर्धारितकार्यक्रमानुसारं मन्त्री राकेशसिंह प्रथमं भगवान पशुपतिनाथ मंदिर गत्वा पूजाअर्चनां कृत्वा जनपदस्य सुखसमृद्ध्यर्थं प्रार्थनां कृतवान्।
मल्हारगढ़विधानसभाक्षेत्रस्य ग्राम बूढ़ा मध्ये उपमुख्यमन्त्री जगदीशदेवड़ा तथा मन्त्री राकेशसिंह 85 कोटि 61 लक्षरूप्यकव्ययेन विविधनिर्माणकार्याणां लोकार्पणं भूमिपूजनं च कृतवन्तौ।
भूमिपूजितेषु कार्येषु गर्रावद तः चिल्लोद पिपलिया मार्गः, खड़पालिया तः काल्याखेड़ी मार्गः, गुर्जरबर्डिया तः महादेवमन्दिरमार्गः तथा मुंडकोषा तः सुजानपुरा मार्गः समाविष्टाः।
लोकार्पितेषु कार्येषु नारायणगढ़ तः बिल्लोद मार्गः, मल्हारगढ़ रेलस्थानक तः नारायणगढ़ मार्गः, पिपलियामंडी बायपास मार्गः तथा बालागुड़ा पेट्रोलपम्प तः खेडाखदान खोखरा सोनी पिपलिया सोलंकी मार्गः प्रमुखाः सन्ति।
हिन्दुस्थान समाचार