गुवाहाटी, 25 अप्रैलमासः (हि.स.)। गुवाहाटीनगरे आगामिषु त्रिचतुर्षु दिनेषु अतिवृष्टेः पूर्वानुमानः कृतः अस्ति। क्षेत्रीयमौसमविज्ञानकेन्द्रेण गुवाहाटीमहानगरस्य समीपवर्तिषु च क्षेत्रेषु विद्युत्कम्पनसहितायाḥ निरन्तरवृष्टेः पूर्वसूचना प्रकाशिताऽस्ति। वर्षामात्रा चतुर्विंशतिघण्टान्तराले ७.२० सेन्टिमीटरपर्यन्तं भविष्यतीति सम्भावना व्यक्ता अस्ति।मौसमपूर्वानुमानेन सूचितं यत् आगामिषु कतिपयेषु दिनेṣu गुवाहाटीनगरस्य विभिन्नेषु स्थानेषु विद्युत्कम्पनम्, अतिवृष्टिः, आँधिः च सम्भाव्यते। अस्य परिणामस्वरूपं नगरे कृत्रिमजलप्लावनस्य समस्या वर्धेत, येन यातायातः प्रभावितः भवितुं शक्नोति, संवेदनशीलक्षेत्रेषु च स्थानीयतया भू-स्खलनस्य अपि संकटं वर्धेत।गुवाहाटी नगर निगम तथा असम राज्य आपदा प्रबंधन प्राधिकरण इत्येतौ संस्थे स्थितेः निरन्तरं निरीक्षणं कुर्वन्तौ स्तः, आपत्कालीनप्रतिक्रियाव्यवस्थाः च सज्जीकृताः सन्ति।वर्तमानपरिस्थितिं दृष्ट्वा असमराज्यआपदाप्रबन्धनप्राधिकरणेन गुवाहाटीनगरवासिनः सर्वे अपि आवश्यकसतर्कतां वहन्तु, सावधानाः च स्युः इति आवाहनं कृतम्। दैनिकयात्रिकेभ्यः दीर्घदूरयात्रिकेभ्यश्च अनुरोधः कृतः यत् निरन्तरवृष्टिसमये अनावश्यकगमनागमनात् पराङ्मुखाः स्युः, स्वकार्ययोजनां च सम्यक् कुर्वन्तु।अधोनिम्नप्रदेशेषु पर्वतीयप्रदेशेषु च निवसन्तः जनाः जलप्लावनस्य भू-स्खलनस्य वा कस्यापि लक्षणस्य प्रति सजाग्राः भवन्तु इति अपि आह्वानं कृतम्।अस्याः परिस्थितेः नूतनतमाः सूचनाः असमराज्यआपदाप्रबन्धनप्राधिकरणस्य आधिकारिकजालपुटे असम मौसम पूर्वानुमानं तथा सामाजिकमाध्यमेषु समये समये जनजागृतेः कृते अद्यतनरूपेण प्रकाश्यन्ते।अतः जनसामान्यं प्रति आह्वानं कृतं यत् ते शासकीयमौसमसूचनाः अनुसरन्तु, अस्मिन् दीर्घवृष्टिकाले सुरक्षिततायै स्थानीयप्राधिकरणैः निर्गतानि निर्देशानि च पालनं कुर्वन्तु।----------------

हिन्दुस्थान समाचार