Enter your Email Address to subscribe to our newsletters
रुद्रप्रयागः, 25 अप्रैलमासः (हि.स.)। केदारनाथ धाम्नः कपाट-उद्घाटनानन्तरं शनिवासरे श्री भकुंट भैरवनाथ मंदिरस्य कपाटाः अपि विधि-विधानपूर्वकं श्रद्धालूनां दर्शनार्थं उद्घाटिताः। अस्मिन् अवसरे बहुसंख्यकाः तीर्थयात्रिणः उपस्थिताः आसन् तथा जयघोषैः सह दर्शनं कृतवन्तः।
धार्मिक-परम्परानुसारं मध्याह्ने पुजारी टी. गङ्गाधर लिङ्ग महोदयस्य नेतृत्वे श्री बदरीनाथ-केदारनाथ मंदिर समिति तथा श्री केदार सभा पदाधिकाऱिणां सन्निधौ हवन-यज्ञः तथा पूजा-अर्चना सम्पन्ना, अनन्तरं मन्दिरस्य कपाटाः उद्घाटिताः।
अस्मिन् अवसरि श्री बदरीनाथ-केदारनाथ मंदिर समिति अध्यक्षः हेमन्त द्विवेदी महोदयः अपि उपस्थितः आसीत्। सः देश-विदेशेभ्यः आगतानां श्रद्धालूनां शुभकामनाः प्रेषयन् अवदत् यत् भकुंट भैरवनाथ-मन्दिरस्य कपाट-उद्घाटनानन्तरं अधुना केदारनाथ-धामे भगवान् केदारनाथस्य नित्य-आरती-क्रमः प्रारब्धः।
धार्मिक-मान्यतानुसारं भकुंट भैरवनाथः केदारनाथ-धामस्य रक्षक-देवता इति मन्यते। शीतकाले यदा केदारनाथ-मन्दिरस्य कपाटाः बद्धाः भवन्ति, तदा सम्पूर्ण-प्रदेशस्य रक्षणस्य दायित्वं भैरवनाथस्य इति श्रद्धा अस्ति। अतः केदारनाथ-यात्रायां श्रद्धालवः भैरवनाथ-मन्दिरस्य दर्शनं विशेष-महत्त्वेन मन्यन्ते।
प्रशासनस्य तथा मन्दिर-समितेः पक्षतः यात्रिणां सुविधायै सुरक्षायै च विस्तृताः व्यवस्थाः कृताः सन्ति। अस्मिन् वर्षे यात्रायाः विषये श्रद्धालुषु विशेषः उत्साहः दृश्यते।
अस्मिन् अवसरे रुद्रप्रयाग-जिलाधिकारी तथा बीकेटीसी-मुख्य-कार्याधिकारी विशाल मिश्र महोदयः, केदार-सभा-अध्यक्षः राजकुमार तिवारी महोदयः, बीकेटीसी-सदस्यः डॉ. विनीत पोस्ती, तीर्थ-पुरोहितः सन्तोष त्रिवेदी, प्रभारी-अधिकारी राजन नैथान तथा अन्ये पदाधिकारिणो बहवः तीर्थयात्रिणश्च उपस्थिताः आसन्।
------------------
हिन्दुस्थान समाचार