राँचीनगरम्, २६ अप्रैलमासः (हि.स.)। श्रीकृष्ण-प्रणामी-सेवा-धाम-न्यासेन सञ्चालिते पुन्दाग-स्थिते श्रीराधा-कृष्ण-प्रणामी-मन्दिरे रविवासरे द्विशतत्रिषष्टितमे (२६३) अन्नपूर्णा-सेवा-महाप्रसादस्य आयोजनम् अभवत्। अस्मिन् अवसरे बहुसंख्याः श्रद्धालवः मन्दिरं समागताः, महाप्रसादं गृहीत्वा धार्मिक-वातावरणस्य आनन्दं च अनुभूतवन्तः।

एतत् आयोजनं सन्त-शिरोमणि स्वामी सदानन्द-महाराजस्य सान्निध्ये सम्पन्नम्। कार्यक्रमस्य अन्तर्गतं श्रीराधा-राज्ञ्याः दिव्य-श्रृङ्गारः विविध-आभूषणैः कृतः, येन मन्दिर-परिसरः पूर्णतः भक्तिमयः अभवत्। श्रद्धालुभिः विशेष-पूजा-अर्चना कृत्वा आशीर्वादः प्राप्तः।

मन्दिरस्य पुजारी अरविन्द-कुमार-पाण्डेयेन मध्यान्हे द्वादशवादने विधिवत् महाप्रसादस्य भोगः अर्पितः। ततः परं श्रद्धालूनां मध्ये मसालेदार-शाकाहार-कृशर:, कालिन्दम्, जलजीरा-शर्बतं तथा सत्तू-जलं च वितरितम्। शतशः जनाः श्रद्धया प्रसादं गृहीतवन्तः।

न्यासस्य प्रवक्ता संजयसर्राफः अवदत् यत् मन्दिरे प्रतिदिनं मध्याह्ने १२ वादनात् २ वादनपर्यन्तं महाप्रसाद-वितरणं क्रियते, यस्मिन् प्रतिशततः चतुश्शताधिकाः श्रद्धालवः सहभागिनः भवन्ति। तेन उक्तं यत् अन्नपूर्णा-सेवायाः उद्देश्यं कस्यापि जनस्य क्षुधारहितता तथा सेवा-भावनायाः समाजे सुदृढीकरणम् अस्ति।

तेन अपि सूचितं यत् आयोजन-दिने प्रातःकालात् एव मन्दिरे भक्तानां महान् सम्मर्द: अभवत्, प्रायः त्रिसहस्र-श्रद्धालवः दर्शनाय आगताः। मन्दिर-परिसरे दीर्घाः पङ्क्तयः सततं दृष्टाः।

कार्यक्रमस्य अन्ते भजन-सन्ध्यायाः आयोजनम् अपि कृतम्, यस्मिन् भजन-गायकैः मधुर-प्रस्तुतिभिः वातावरणं अधिकं आध्यात्मिकं कृतम्। भक्ताः भजनेषु निमग्नाः दृश्यन्ते स्म।

अन्ते सामूहिक-महारार्तिक्या कार्यक्रमस्य समापनम् अभवत्। श्रद्धालवः आरार्तिक्यां सहभागं कृत्वा भगवतः आशीर्वादं प्राप्तवन्तः तथा मन्दिर-प्रबन्धनस्य प्रशंसां कृतवन्तः।

अस्मिन् अवसरे डूंगरमल-अग्रवालः, राजेन्द्र-प्रसाद-अग्रवालः, पूरणमल-सर्राफः, सुरेश-अग्रवालः, शिवभगवान-अग्रवालः, नन्दकिशोर-चौधरी, अञ्जनी-अग्रवालः, पवन-पोद्दारः, सुरेश-भगतः, अनिल-अग्रवालः, ज्ञानप्रकाश-शर्मा इत्यादयः बहवः श्रद्धालवः उपस्थिताः आसन्।

हिन्दुस्थान समाचार / अंशु गुप्ता