Enter your Email Address to subscribe to our newsletters
भोपाल-नगरम्, २६ अप्रैलमासः (हि.स.)। मध्यप्रदेश-लोक-सेवा-आयोगस्य राज्य-सेवा तथा राज्य-वन-सेवा-प्रारम्भिक-परीक्षा अद्य रविवासरे सम्पूर्ण-प्रदेशे आयोज्यते। अस्मिन् वर्षे परीक्षा-व्यवस्थायां बहूनि महत्वपूर्ण-परिवर्तनानि कृतानि, येषां उद्देश्यं पारदर्शिता-सुरक्षा-व्यवस्थयोः अधिकं सुदृढीकरणम् अस्ति।
प्रदेशस्य चतुःपञ्चाशत् (५४) जनपदेषु निर्मितेषु त्रिशत-पञ्चषष्टि (३६५) परीक्षा-केन्द्रेषु प्रायः १.३५ लक्षाधिकाः अभ्यर्थिनः सहभागिन: भविष्यन्ति। परीक्षा द्वयोः पर्याययो: भविष्यति—प्रातः १० वादनतः १२ वादनपर्यन्तं सामान्य-अध्ययन-पत्रम्, अपराह्णे २:१५ वादनतः ४:१५ वादनपर्यन्तं सामान्य-अभिरुचि-पत्रम् आयोज्यते।
समयात् पूर्वम् आगमनम् अनिवार्यम्अभ्यर्थिभ्यः परीक्षा-आरम्भात् नवतिः-निमेष-पूर्वं केन्द्रे आगमनम् आवश्यकम्, यदा परीक्षा-आरम्भात् त्रिंशत्-निमेष-पूर्वमेव प्रवेश-द्वाराणि निरुद्धानि भविष्यन्ति। विलम्बेन आगच्छन्तः अभ्यर्थिनः प्रवेशं न प्राप्स्यन्ति।
प्रथमवारं ऋणात्मक-अङ्कन-प्रणाली प्रवर्तिता
अस्मिन् वर्षे प्रथमवारं प्रारम्भिक-परीक्षायां ऋणात्मक-अङ्कन-प्रणाली प्रवर्तिता अस्ति। प्रत्येकस्मिन् अशुद्ध-उत्तरे एक-तृतीयांश-अङ्कः अपकर्ष्यते। अर्थात् त्रिणी अशुद्ध-उत्तराणि एकस्य सम्यक्-उत्तरस्य तुल्यं अङ्कं नाशयन्ति। विशेषज्ञानां मतानुसारं एषा व्यवस्था गम्भीरतया सज्जान् अभ्यर्थिनः अग्रे आनेतुं साहाय्यं करिष्यति।
त्रिस्तरीया सुरक्षा-व्यवस्था
परीक्षा-केन्द्रेषु त्रिस्तरीया सुरक्षा-व्यवस्था प्रवर्तिता अस्ति, यस्मिन् क्यूआर-कोड-स्कैनिङ्, बायोमेट्रिक-सत्यापनम् तथा शरीरीय-परीक्षणम् (फ्रिस्किङ्) अन्तर्भवति। उभयोः सत्रयोः अभ्यर्थिनां परीक्षणं हस्तधारित-धातु-अन्वेषक-यन्त्रेण (HHMD) क्रियते। पुरुष-अभ्यर्थिनां परीक्षणं पुरुष-निरीक्षकैः, महिला-अभ्यर्थिनां परीक्षणं महिला-निरीक्षकाभिः क्रियते। तृतीय-लिङ्ग-अभ्यर्थिभ्यः स्वेच्छया परीक्षक-निर्वाचनस्य विकल्पः अपि प्रदत्तः अस्ति।
किम् आनेतुं शक्यतेअभ्यर्थिभ्यः केवलं आवश्यक-वस्तूनि एव आनेतुम् अनुमतिः अस्ति—बॉलकलमम्पारदर्शी-जल-पात्रम्ई-प्रवेश-पत्रम् (एडमिट्-कार्ड्)वैध-परिचय-पत्रम्
पदानां विवरणम्
अस्य भर्ती-प्रक्रियायाः अन्तर्गतं राज्य-सेवा-परीक्षायै १५५ पदानि तथा राज्य-वन-सेवायै ३६ पदानि निर्धारितानि सन्ति। अधिकारिणाम् अनुसारं सर्वेषु परीक्षा-केन्द्रेषु समाना सुरक्षा-तथा परीक्षण-व्यवस्था प्रवर्तिता अस्ति, येन परीक्षा निष्पक्षतया सुव्यवस्थितरूपेण च सम्पन्ना भवेत्।
हिन्दुस्थान समाचार / अंशु गुप्ता