Enter your Email Address to subscribe to our newsletters
उत्तरप्रदेशः 60,244 आरक्षी नागरिकारक्षिनियुक्तिः 2025 सत्रस्य आरक्षिणां दीक्षांतपदप्रयाणसमारोहे सम्मिलितो मुख्यमंत्री
लखनऊ, 26 अप्रैलमासः (हि.स.)।
उत्तरप्रदेशस्य मुख्यमन्त्री योगी आदित्यनाथः उक्तवान् यत् आरक्षी-प्रशिक्षणकाले पुत्रीभिः या दृढता, तत्परता, समर्पणं अनुशासनं च प्रदर्शितम्, तत् प्रशंसनीयम् अस्ति। अनुशासनं समूहकार्यस्य उत्कृष्टभावः च सर्वाधिकं बलम् अस्ति। एतानि सर्वाणि समावेश्य राष्ट्राय सर्वोत्तमं योगदानं दातुं या भावना, सा वर्दीधारिणां बलस्य मुख्याङ्गम् अस्ति। “प्रशिक्षणे यावत् स्वेदः स्रवति, अनन्तरं जीवने तावत् न्यूनं रक्तस्रावस्य आवश्यकता भवति” इति अपि सः अवदत्।
मुख्यमन्त्री योगी आदित्यनाथ रविवासरे ६०,२४४ आरक्षी-नागरिक-पुलिस-सीधी-भर्ती अन्तर्गतं वर्ष २०२५-समूहस्य पुलिस-आरक्षिणः दीक्षान्त-परेड-समारोहे सम्बोधितवान्। रिजर्व-पुलिस-लाइन-प्राङ्गणे आयोजिते अस्मिन् कार्यक्रमे मुख्यमन्त्री परेडस्य निरीक्षणं कृत्वा सलामीम् अपि स्वीकृतवान्।
मुख्यमन्त्री प्रशिक्षणं सम्पन्न्य दीक्षान्त-समारोहे भागं गृहीतवन्त्यः महिला-आरक्षिणः अभिनन्द्य उक्तवान् यत् सर्वाभिः लग्नता-अनुशासनाभ्यां सह कठिनं प्रशिक्षणं प्राप्तम्। अधुना यूयं सर्वे जनपदेषु क्षेत्रीय-कर्तव्येषु प्रेष्यध्वे। स्मर्तव्यम्—“नियमः अपराधिनः प्रति यथा कठोरः भवेत्, तथैव नागरिकान् प्रति संवेदनशीलः अपि भवेत्।” सः आशां व्यक्तवान् यत् सर्वे आरक्षिणः प्रशिक्षणेन प्राप्तं ज्ञानं कौशलं मूल्यानि च उपयुज्य निष्ठया, ईमानदारीया, कर्तव्यपरायणतया च उत्तरप्रदेश-पुलिसस्य गौरवपूर्णां परम्परां वर्धयिष्यन्ति।
योगी उक्तवान् यत् अद्य प्रदेशस्य १० पुलिस-प्रशिक्षण-संस्थासु, ७३ जनपदेषु पुलिस-लाइनासु, २९ पीएसी-बटालियनासु, ११२ रिक्रूट-प्रशिक्षण-केन्द्रेषु एकस्मिन् काले दीक्षान्त-परेडाः आयोजिताः सन्ति। १५ जून २०२५ दिने लखनऊ-नगरस्य डिफेन्स-एक्सपो-ग्राउण्डे केन्द्रीय-गृह-सहकारिता-मन्त्री अमित शाह ६०,२४४ अभ्यर्थिभ्यः नियुक्तिपत्राणि प्रदत्तवान्। २१ जुलाई-दिनात् एषां प्रशिक्षणं आरब्धम्। अस्य काले सः अपि विभिन्नेषु प्रशिक्षण-केन्द्रेषु गतः, यत्र प्रशिक्षणं सुविधाश्च पूर्वात् उत्तमानि दृष्टानि।
सः अवदत् यत् २०१७ पूर्वं उत्तरप्रदेश-पुलिसस्य समक्षं बहवः संकटाः आसन्, किन्तु अधुना तत् देशस्य श्रेष्ठेषु पुलिसबलिषु एकम् स्थापितम्। २.१८ लक्षाधिकानां पुलिसकर्मचारिणां भर्तीः, १ लक्षाधिकानां पदोन्नतिः च कृताः। २०१७ वर्षे प्रशिक्षण-क्षमता केवलं ३००० आसीत्, किन्तु अधुना ६०,२४४ आरक्षिणः एकस्मिन् काले प्रशिक्षणं प्राप्तवन्तः, यत् नववर्षेषु प्राप्तां प्रगतिं दर्शयति।
योगी उक्तवान् यत् २०१७ पूर्वं पुलिस-बैरकाः जीर्णाः आसन्, किन्तु अधुना ५५ जनपदेषु उच्च-भवनयुक्ताः आवास-सुविधाः दृश्यन्ते। प्रशिक्षण-केन्द्राणि उत्कृष्टानि भवन्ति। प्रत्येकं प्रशिक्षुं आधारभूत-व्यावसायिक-प्रशिक्षणं च दत्तम्। ‘यूपी पुलिस ट्रेनिंग पोर्टल’ अपि प्रारब्धम्। शारीरिक-प्रशिक्षणं वैज्ञानिक-आधुनिकरूपेण कर्तुं ‘स्मार्ट-पीटी-प्रोग्राम’ अपि प्रवर्तितः। बहिः-प्रशिक्षणे प्राचीन-३०३-राइफलस्य स्थाने आधुनिक-इन्सास्-एसएलआर-राइफलयोः उपयोगः कृतः।
मुख्यमन्त्री ‘इण्टिग्रेटेड-गवर्नमेंट-ऑनलाइन-ट्रेनिंग’ विषये उक्तवान् यत् नरेन्द्र मोदी इत्यस्य मार्गदर्शने ‘मिशन-कर्मयोगी’ अन्तर्गतं कर्मयोगी-पोर्टले पञ्च विशेष-मॉड्यूलाः निर्मिताः, ३२ अन्ये निर्माणाधीनाः सन्ति। ‘साधना-सप्ताहे’ शासकीय-कर्मचारिभिः १.२५ कोटि-पाठ्यक्रमाः सम्पन्नाः, येन उत्तरप्रदेशः देशे प्रथमस्थानं प्राप्तवान्। यूपी-पुलिसेन २८ लक्ष-पाठ्यक्रमाः सम्पन्नाः, सा देशे चतुर्थस्थानं प्राप्तवती।
सः अवदत् यत् यूपी-एटीएस-अधिकाऱिणां प्रशिक्षणं राष्ट्रीय जांच एजेंसी तथा अन्तरराष्ट्रीय-संस्थाभिः अनुरूपं क्रियते। पुलिसबलं व्यावहारिक-दक्षतायाः सॉफ्ट-स्किल-आधारित-प्रशिक्षणेन अपि सुसज्जितम्। ७५ जनपदेषु साइबर-थानानि स्थापितानि, पुलिसकर्मिणः आधुनिक-साइबर-अपराधानां निवारणार्थं प्रशिक्षिताः। लखनऊ-नगरस्य ‘उत्तरप्रदेश-स्टेट-इन्स्टिट्यूट्-ऑफ-फॉरेन्सिक-साइन्सेस्’ इत्यत्र वैज्ञानिक-अन्वेषण-प्रशिक्षणं दीयते।
मुख्यमन्त्री उक्तवान् यत् यूपी-पुलिसः देशे ‘स्मार्ट्’ आदर्श-बलम् अस्ति। अद्य प्रदेशे दङ्गाः न भवन्ति, अपराधिनां मनसि भयम् अस्ति, पुलिसस्य मनोबलं उच्चम्। पूर्वं अराजकता आसीत्, किन्तु अधुना स्पष्ट-नीतिः शुभ-परिणामं दर्शयति। महिला-कार्यबलं १३ प्रतिशततः वर्धित्वा ३६ प्रतिशताधिकं जातम्। एतत् आर्थिक-प्रगतौ अपि सहायकम्, येन निवेशः वर्धते।
सः अवदत् यत् ‘मिशन-शक्ति’ अन्तर्गतं महिला-सुरक्षा-सम्मान-स्वावलम्बनाय कार्यक्रमाः प्रवर्तन्ते। प्रत्येकस्मिन् थाने ‘मिशन-शक्ति-केन्द्रम्’ स्थापितम्। त्रयः महिला-पीएसी-बटालियनाः (लखनऊ, गोरखपुर, बदायूं) स्थापिताः। अन्याः त्रयः निर्माणाधीनाः। १७ नगरनिगमेषु तथा गौतमबुद्ध नगर-क्षेत्रे ‘सेफ-सिटी’ योजना प्रवर्तिता।
मुख्यमन्त्री उक्तवान् यत् ‘लॉ एण्ड ऑर्डर’ आदर्शं स्थापयितुं ‘जीरो-टॉलरेंस’ नीत्या पुलिसबलस्य क्षमता वर्धिता। २०१७ तुलनया बजटं त्रिगुणं वर्धितम्, सप्त पुलिस-कमिश्नरेट् स्थापिताः। यूपी-एसएसएफ् निर्मिता, ‘पिंक-पुलिस-बूथ’ स्थापिता, एटीएस आधुनिक-प्रशिक्षणेन सुसज्जितम्। द्वादश फॉरेन्सिक-प्रयोगशालाः स्थापिताः, षट् निर्माणाधीनाः। प्रत्येकस्मिन् जनपदे द्वे मोबाइल-फॉरेन्सिक-रसायनशालाः स्थापिताः। ‘यूपी-११२’ प्रतिक्रिया-समयः ६५ निमेषेभ्यः ६–७ निमेषान् प्रति न्यूनीकृतः।
अस्मिन् समारोहे राज्यसभा-सांसदः दिनेश शर्मा, महापौरा सुषमा खर्कवाल, अपरमुख्यसचिवः संजय प्रसाद, पुलिस-महानिदेशकः राजीव कृष्ण च अन्ये उपस्थिताः आसन्।
दीक्षान्त-पदप्रयाणे मुख्यमन्त्रिणा प्रदत्तपुरस्कारैः आरक्षिणां उत्साहः वर्धितः। महिला-आरक्षी नेहा यादव त्रयः पुरस्काराः प्राप्तवती, सोनम द्वौ, रिया सिंह कुशवाहा एकं च। आरक्षि-महानिदेशकः राजीव कृष्ण मुख्यमन्त्रिणे स्मृतिचिह्नं प्रदत्तवान्, आरक्षिभ्यः शपथं अपि दापितवान्।
परेड-कमाण्डर-प्रथमः — महिला-रिक्रूट-आरक्षी नेहा यादवः
परेड-कमाण्डर-द्वितीयः — महिला-रिक्रूट-आरक्षी रिया सिंह कुशवाहा
परेड-कमाण्डर-तृतीयः — महिला-रिक्रूट-आरक्षी सोनम
अन्तःविषय-टॉपरः (समग्र-कोर्स) — कुमारी नेहा यादवः
वाह्यविषय-टॉपरः (समग्र-कोर्स) — कुमारी सोनमः
सर्वाङ्ग-सर्वोत्तम-पुरस्कारः — कुमारी नेहा यादवः
-------------
हिन्दुस्थान समाचार