Enter your Email Address to subscribe to our newsletters
नैनीतालनगरम्, २६ अप्रैलमास: (हि.स.)। उत्तराखण्ड-प्रदेशस्य पूर्व-मुख्यमन्त्री हरीश-रावतः उक्तवान् यत् संसदि महिलाभ्यः ३३ प्रतिशत-आरक्षणसम्बन्धी संविधान-संशोधनस्य विफलतायाः अनन्तरमपि शीघ्रमेव महिलाभ्यः संसदि तथा राज्य-विधानसभासु ३३ प्रतिशत-आरक्षणं प्राप्तुं विश्वासः अस्ति।
सः अवदत् यत् उत्तराखण्ड-विधानसभा स्वयमेव एतस्मिन् विषये प्रयत्नं कृत्वा विधेयकं पारयेत्। सः इदमपि आशां व्यक्तवान् यत् केन्द्रीय-सर्वकारः अपि विपक्षं विश्वासे गृहीत्वा पुनः अस्मिन् विषये प्रयत्नं करिष्यति। सः संसदि उत्तराखण्डे परिसीमन-विषये अपि चर्चा आवश्यकेति उक्तवान्।
रविवासरे राज्य-अतिथि-गृहे नैनीताल-क्लब-इत्यत्र पत्रकारैः सह वार्तालापं कुर्वन् सः एतत् उक्तवान्।
अतिरिक्तं सः उत्तराखण्डे “अग्नि-बाघ-जाम” इति समस्यां उल्लेख्य अवदत् यत् पूर्व-सर्वकारकाले वनेषु आर्द्रता-संरक्षणाय चाल-खाल-निर्माणं तथा चीड़-विस्तार-नियन्त्रणाय अनेकानि कार्याणि कृतानि आसन्, किन्तु ततः परं नववर्षेषु एतादृशं कार्यं न कृतम्। तस्मात् वनाग्नयः वर्धिताः सन्ति तथा बाघादयः वन्य-जीवाः मानव-बस्तीनां प्रति आगच्छन्ति।
सम्मर्द-विषये सः उक्तवान् यत् एकतः सर्वकारः मदिरां सर्वसाधारणेभ्यः सुलभां करोति, अन्यतः वाहान-वृद्धेः अनुरूपं पार्किङ्ग-व्यवस्था वा बाइपास-निर्माणं न कृतम्। सः इदमपि अवदत् यत् अन्तिमः बाइपास देहरादूने तस्य शासनकाले एव निर्मितः आसीत्।
सः अल्मोड़ा-सांसद-अजय-भट्टस्य केन्द्रीय-सड़क-परिवहन-राज्यमन्त्रीत्वेऽपि क्वारब-समस्यायाः समाधानं न कृतमिति आलोचनां कृतवान्। शहरीकरणाय नीत्यभावं प्रति आरोपं कृत्वा सः ३२ “काउण्टर-मैग्नेटिक-टाउनशिप” योजनायाः उल्लेखं कृतवान्।
थराली-क्षेत्रे भूधंसनस्य उल्लेखं कृत्वा सः तत् “नूतन-जोशीमठस्य सम्भावना” इति उक्तवान्। आगामि-निर्वाचन-विषये सः अवदत् यत् कांग्रेस-पक्षः १५ वर्षाणि भाजपा-शासनस्य तुलनायां १० वर्षाणां कार्यकालं तथा आगामी-पञ्चवर्षीय-योजनां जनसमक्षं स्थापयिष्यति। सः इदमपि उक्तवान् यत् सत्ता-प्राप्त्यनन्तरं बाह्य-जनैः कृत-भूमि-क्रयस्य निरीक्षणम् अपि कारयिष्यते।
हिन्दुस्थान समाचार / Dheeraj Maithani