धमतरी-नगरम्, २७ अप्रैलमासः (हि.स.)। नगर-पञ्चायत-आमदी-नगर्यां विगतेषु पञ्चवर्षेषु प्रत्येक-मङ्गलवासरे सायंकाले भक्तेः श्रद्धायाश्च संगमः दृश्यते। “महा-आरती-परिवारः” इत्यस्य तत्त्वावधाने नगरस्य प्रायः द्वादश-त्रयोदश हनुमान-मन्दिरेषु नियमितरूपेण महा-आरार्तिकी-कार्यक्रमः आयोजितः भवति, यः अधुना क्षेत्रस्य विशेष-परिचयः जातः अस्ति।

अस्य प्रयत्नस्य उद्देश्यं केवलं धार्मिक-आयोजनपर्यन्तं न सीमितम्, अपि तु तेन सुख-समृद्धेः कामनया सह समाजे जागरूकता प्रसारणं तथा संगठनस्य सुदृढीकरणम् अपि क्रियते। प्रत्येक-सप्ताहे आयोजितायां अस्यां महा-आरार्तिक्यां नगरस्य सर्ववर्गीयाः जनाः उत्साहेन सहभागितां कुर्वन्ति, येन सामाजिक-समरसता ऐक्यभावश्च अधिकं दृढीभवति।

विशेषतया अस्मिन् आयोजने बालकानां सक्रिय-सहभागिता अपि दृश्यते। अष्ट-वर्षात् दश-वर्षपर्यन्तं वयसः बालकाः ढोलक-डफली-मञ्जीरादि-वाद्ययन्त्राणि वादयन्तः हनुमान-चालीसां आरार्तिकीं च प्रस्तुतवन्तः, येन सम्पूर्णं वातावरणं भक्तिमयं भवति।

अस्य धार्मिक-सामाजिक-प्रयासस्य आरम्भे तथा निरन्तर-प्रवर्तनाय मंशा-राम-साहू, रामानन्द-कुम्भकारः, उमानन्द-कुम्भकारः, अमित-कुमार-साहू, कमलेश-पटेलः, किशोर-कुम्भकारः, मोती-साहू, डोमेश्वर-साहू, रवि-साहू, अजय-साहू तथा जामल-सन इत्यादिनां बहूनां जनानां विशेषं योगदानम् अस्ति।

हिन्दुस्थान समाचार / अंशु गुप्ता