Enter your Email Address to subscribe to our newsletters
अजमेरम्, 27 अप्रैलमासः (हि.स.)।कोटिशः जनानां श्रद्धाया केन्द्रं पुष्करस्य पवित्रे सरसि वैशाखमासस्य पञ्चतीर्थस्नानं सोमवासरे मोहिनी-एकादश्यां आरब्धम्। पञ्चदिनपर्यन्तं प्रवर्तमानस्य अस्य धार्मिकानुष्ठानस्य समापनं १ मई-दिने पूर्णिमायां महास्नानेन भविष्यति।
शास्त्रेषु द्वादशसु मासेषु वैशाखमासः अतीव श्रेष्ठः इति स्वीकृतः अस्ति। मान्यता अस्ति यत् अस्मिन् मासे पुष्कर-सरसि स्नानं दानं च कर्तुं यत् पुण्यं लभ्यते, तत् कार्तिकस्नानस्य तुल्यं भवति। एतस्मात् कारणात् अतीतानि कतिपयानि दिवसानि यावत् अत्र श्रद्धालूनां भीडः निरन्तरं वर्धते।
मोहिनी-एकादश्यां अवसरं प्राप्य श्रद्धालवः सरसि विशेषस्नानं कृत्वा पूजनं, परिक्रमा च अकरोत्, ब्रह्मा-मन्दिरं सहितं विविधेषु देवालयेषु दर्शनानि अपि कृतवन्तः। सर्वदिनं श्रद्धाभक्त्योः वातावरणं विराजमानम् आसीत्, श्रद्धालुषु विशेषः उत्साहः दृष्टः।
ज्योतिषाचार्यः पण्डितः कैलाशनाथ-दाधीचः अवदत् यत् मोहिनी-एकादशी विष्णुपुराणे, ब्रह्मवैवर्तपुराणे, पद्मपुराणे च उल्लिखिता अस्ति। धार्मिकमान्यता अस्ति यत् अस्यां तिथौ भगवान् विष्णुः मोहिनी-अवतारं धारयित्वा समुद्रमन्थनात् निष्पन्नस्य अमृतस्य रक्षणं कृतवान्, देवतानां च अमरत्वं प्रदत्तवान्।
तेन उक्तं यत् अस्मिन् दिने पुष्करवत् पवित्रतीर्थे स्नानं, दानं, हवनं, पूजनं, परिक्रमा च कृत्वा कोटिगुणितं पुण्यफलम् प्राप्यते। विशेषतः जलदानम्, अन्नदानम्, फलदानं च श्रेष्ठं मन्यते। तथा वृक्षारोपणेन पितृदोषस्य निवारणं भवति, पितॄणां च आशीर्वादः लभ्यते।
अस्यां मोहिनी-एकादश्यां विशेषावसरे श्रद्धालवः श्रद्धया स्नानं कृत्वा धर्मलाभं प्राप्तवन्तः, भगवान् विष्णुं माता लक्ष्मीं च पूजयित्वा सुख-समृद्ध्याः कामनां च कृतवन्तः।
---------------
हिन्दुस्थान समाचार