Enter your Email Address to subscribe to our newsletters
जौनपुर-नगरम्, २७ अप्रैलमासः (हि. स.)। उत्तरप्रदेशस्य जौनपुर-जनपदे होमगार्ड्स-पदानां कृते आयोजिता लिखित-परीक्षा सोमवासरे तृतीयस्य अन्तिमस्य च दिवसस्य आरम्भः अभवत्। जनपदस्य १९ परीक्षा-केन्द्रेषु आयोज्यमानायां अस्यां परीक्षायां उभयोः पाल्योः समाहारेण १६,८०० अभ्यर्थिनः सम्मिलिताः सन्ति। प्रशासनद्वारा अनुकरण-रहित-परीक्षा सुनिश्चित्यर्थं व्यापक-सज्जा: कृताः।
परीक्षा द्वयोः पर्याययो: आयोज्यते। प्रथम: पर्याय: प्रातः १० वादनात् मध्याह्न १२ वादनपर्यन्तं, द्वितीय: पर्याय: अपराह्ण ३ वादनात् सायं ५ वादनपर्यन्तं प्रवर्तते। प्रत्येकं पर्याये ८,४०० अभ्यर्थिनः परीक्षां ददति। सुरक्षा-व्यवस्थायां सर्वेषु केन्द्रेषु पर्याप्तं आरक्षक-दलम् नियुक्तम् अस्ति।अपर-आरक्षक-अधीक्षकः (ग्रामीण) आतिश-कुमार-सिंह उक्तवान् यत् अभ्यर्थिभ्यः बायोमेट्रिक-परीक्षणं तथा शारीरिकनिरीक्षणं (फ्रिस्किङ्ग्) कृत्वा एव परीक्षा-केन्द्रे प्रवेशः दीयते। सर्वेषु केन्द्रेषु सीसीटीवी-कैमरा-यन्त्राणि सक्रियाणि स्थापितानि सन्ति, तथा त्रिस्तरीय-सघन-परिशीलनानन्तरं एव परीक्षार्थिनां प्रवेशः अनुमन्यते।
अनुकरण-निवारणार्थं प्रत्येकस्मिन् केन्द्रे सेक्टर-मजिस्ट्रेट्, स्थिर-मजिस्ट्रेट्, जोनल-मजिस्ट्रेट्, केन्द्र-व्यवस्थापकः तथा बाह्य-परीक्षा-सहायकाः नियुक्ताः सन्ति। आपत्कालीन-परिस्थितिनां समाधानार्थं जनपद-स्तरे अधिकारिणः अपि सज्जीकृताः सन्ति।
अस्यां परीक्षायां मुख्यतया स्नातक-तथा उच्च-शिक्षिताः अभ्यर्थिनः सम्मिलिताः सन्ति, येषु २१ वर्षाधिक-वयस्कानां संख्या अधिका दृश्यते। प्रश्नपत्राणि उत्तर-पुस्तिकाश्च कठोर-सुरक्षा-व्यवस्थायां अन्तर्गतं सर्वेषु केन्द्रेषु प्रेषितानि।
जनपदाधिकारी डॉ.दिनेश-चन्द्र: मुख्य-चिकित्सा-अधिकारी तथा केन्द्र-व्यवस्थापकान् उष्णतां दृष्ट्वा परीक्षार्थिनां कृते पर्याप्त-सुविधा: प्रदातुं निर्देशान् दत्तवान्। तदनुसारं सर्वेषु परीक्षा-केन्द्रेषु स्वच्छ-पेयजल-व्यवस्था सुनिश्चिता कृताऽस्ति, येन दूरस्थ-प्रदेशेभ्यः आगतानां अभ्यर्थिनां काचिदपि असुविधा न भवेत्।
हिन्दुस्थान समाचार / अंशु गुप्ता