Enter your Email Address to subscribe to our newsletters
दरभंगा, 28 अप्रैलमासः (हि.स.)।
भारतीय जनता पार्टी-सांगठनिक-दरभंगा-पूर्वी-जिलान्तर्गत अलीनगर-पूर्वी-मण्डले नरमा-ग्रामे संजय कुमार सिंह उर्फ पप्पू-सिंहस्य गृहे महत्वपूर्णा पत्रकार-वार्ता आयोजिता। अस्यां वार्तायां मीना झा, विनय कुमार पासवान सहिताः दलस्य अनेके पदाधिकारी कार्यकर्तारः च उपस्थिताः आसन्। अस्याः पत्रकार-वार्तायाः मुख्य-विषयः आसीत्—महिला-सम्मानः, महिला-सशक्तिकरणम् तथा हाल-समीपे पारितस्य महिला-आरक्षण-विधेयकस्य विषये विपक्षस्य भूमिका।
अस्मिन् अवसरे मीना झा विपक्षं प्रति तीव्रं प्रहारं कृत्वा अवदत् यत् संसदि महिला-आरक्षण-विधेयकस्य विषये या नकारात्मक-राजनीति कृताऽभूत्, सा देशस्य कोटि-कोटि-नारीणां आशानां प्रति विश्वासघातः अस्ति। तया उक्तं यत् एषः विधेयकः महिलानां अधिकार-राजनीतिक-भागीदारीप्राप्तये ऐतिहासिकः कदमः अस्ति, किन्तु विपक्षः स्वस्य संकीर्ण-चिन्तनस्य कारणात् अस्य विरोधं करोति।
विनय कुमार पासवान अवदत् यत् भाजपा सदा महिलानां सम्मान-सशक्तिकरणयोः प्रति प्रतिबद्धा अस्ति। तेन केन्द्र-सरकारस्य नानायोजनानां उल्लेखः कृतः, यथा उज्ज्वला योजना, बेटी बचाओ बेटी पढ़ाओ तथा महिलानां सुरक्षासम्बद्धाः कठोर-नियमाः, एताभिः माध्यमैः महिलाः सर्वेषु स्तरषु सशक्ताः कृताः इति सः अवदत्।
संजय कुमार सिंह उर्फ पप्पू-सिंहः अवदत् यत् विपक्षस्य महिला-आरक्षण-विधेयक-विरोधः दर्शयति यत् तेभ्यः महिलानां अधिकारात् अधिकं स्वस्य राजनैतिक-भूमेः चिन्ता अस्ति। तेन उक्तं यत् देशस्य मातरः, भगिन्यः, कन्याश्च अधुना सजागाः अभवन्, समये आगते ते अस्य उत्तरं दास्यन्ति।
मण्डलाध्यक्षः लाल मुखिया अवदत् यत् भाजपा-नीतिः ग्रामे ग्रामे स्पष्टा अस्ति—नारी-शक्तेः सम्मानः अधिकार-प्रदानं च। अपरत्र अल्पसंख्यक-मोर्चा-मण्डलाध्यक्षः निखत प्रवीण अवदत् यत् भाजपा-सरकारेण मुस्लिम-समाजस्य महिलानां हिताय अपि बहूनि ऐतिहासिक-निर्णयानि कृतानि, येन तासां सामाजिक-न्यायः सम्मानश्च प्राप्तः।
---------------
हिन्दुस्थान समाचार