Enter your Email Address to subscribe to our newsletters
मीरजापुरम्, 07 अप्रैलमासः (हि.स.)।
कछवांक्षेत्रस्य बरौनीस्थस्य जगतानन्दाश्रमे मङ्गलवासरे स्वामी अडगडानन्दस्य आगमने श्रद्धालूनां महान् समागमः अभवत्। अपराह्णे प्रायः त्रिवादने यदा तेषां आगमनस्य सूचना प्रसृता, तदा क्षेत्रस्य सर्वतः भक्ताः आश्रमं प्रति आगन्तुम् आरब्धवन्तः, तथा सम्पूर्णं परिसरं जनसमूहेन पूर्णम् अभवत्।
बहूनि वर्षाणि अनन्तरं आश्रमम् आगतस्य स्वामिनः दर्शनाय भक्तेषु विशेषः उत्साहः दृष्टः। श्रद्धालवः तेषां चरणयोः शिरः नत्वा आशीर्वादं प्राप्नुवन्तः आसन्। अनेके जनाः एतत् स्वजीवनस्य सौभाग्यपूर्णं क्षणम् इति अवदन्।
उच्यते यत् वर्षयोः १९९१-९२ अनन्तरं स्वामिनः सक्तेशगढं गमनात् कछवां तथा मझवां क्षेत्रयोः भक्ताः दीर्घकालात् तेषां आगमनस्य प्रतीक्षां कुर्वन्तः आसन्। मध्ये मध्ये केवलं विशेषावसरेषु एव तेषां दर्शनं सम्भवति स्म।
प्रवचनकाले स्वामी अडगडानन्दः श्रीमद्भगवद्गीतायाः उपदेशान् प्रकाशयन् सदाचारं संयमं धर्ममार्गे चलनं च प्रति प्रेरणां दत्तवान्। तेषां विचारैः सम्पूर्णं वातावरणं भक्तिमयम् अभवत्।
कार्यक्रमस्य अन्ते जयघोषैः सह तेषां विदायः अभवत्। तेषां आगमनेन आश्रमे नूतना ऊर्जा संचारिता, श्रद्धालुषु च उत्साहः स्पष्टतया दृष्टः।
---------------
हिन्दुस्थान समाचार