Enter your Email Address to subscribe to our newsletters
भाेपालम्, 08 अप्रैलमासः (हि.स.)।
मध्यप्रदेशस्य मुख्यमंत्री डॉ. मोहन यादव अमरहुतात्मनो मंगलपाण्डेयस्य बलिदानदिने तथा राष्ट्रियगीतस्य “वन्दे मातरम्” इत्यस्य रचनाकारस्य बंकिमचन्द्रचट्टोपाध्यायस्य पुण्यतिथौ श्रद्धाञ्जलिं समर्पितवान्। सः बुधवासरे सामाजिकमाध्यमे ‘एक्स’ इत्यत्र लेखं प्रकाशित्य उभयोः महापुरुषयोः प्रति नमनं कृतवान्।
मुख्यमन्त्री डॉ. यादवः महान् स्वतन्त्रतासेनानी मंगलपाण्डेयस्य बलिदानदिने स्मरणं कृत्वा उक्तवान्— “मातरं भारतभूमेः अमरः सुतः, महान् स्वतन्त्रतासेनानी मंगलपाण्डेय महोदयस्य बलिदानदिने अहं विनम्रां श्रद्धाञ्जलिं समर्पयामि। तेन येन उत्साहेन शक्त्या च आङ्ग्लशासनं प्रति परिस्थितिः दत्ता, तेन प्रत्येकस्य भारतीयस्य स्वाभिमानः जागृतः। अष्टादशशतसप्तपञ्चाशत्तमे वर्षे क्रान्तेः ज्वाला गृहे गृहे प्रसृता। तस्य बलिदानं राष्ट्राय निर्भीकतां कर्तव्यनिष्ठां समर्पणं च शिक्षयति।”
अन्येन सन्देशेन मुख्यमंत्री डॉ. यादवः महान् साहित्यकारं बंकिमचन्द्रचट्टोपाध्यायं पुण्यतिथौ स्मृत्वा श्रद्धाञ्जलिं दत्तवान्। सः उक्तवान्— “‘वन्दे मातरम्’ इत्यस्य अमररचयिता, राष्ट्रचेतनायाः जागरणकर्त्ता महान् साहित्यकारः बंकिमचन्द्रचट्टोपाध्यायः महोदयः, तस्य पुण्यतिथौ मम विनम्रा श्रद्धाञ्जलिः। स्वतन्त्रतासङ्ग्रामे क्रान्तिकारिणां महामन्त्रः ‘वन्दे मातरम्’ अद्य अपि शतवर्षानन्तरं ‘विकसितभारतस्य’ निर्माणे नूतनां दिशं शक्तिं च ददाति। देशस्य समाजस्य च समृद्धये तस्य व्यक्तित्वं कृतित्वं च सर्वदा अनुकरणीयं भविष्यति।”
---------------
हिन्दुस्थान समाचार