Enter your Email Address to subscribe to our newsletters
धमतरी, 09 अप्रैलमासः (हि.स.)।धमतरीजनपदस्य सर्वासु ग्रामपञ्चायतीषु १४ अप्रैल २०२६ तिथौ ग्रामसभानां आयोजनं करिष्यते। छत्तीसगढ़ पंचायत राज अधिनियम 1993 इत्यस्य अधीनं आयोजिताः एताः सभाः ग्रामीणविकासस्य तीव्रीकरणाय, पारदर्शितावृद्धये, जनभागीदारीसुदृढीकरणाय च अत्यन्तं महत्त्वपूर्णाः मन्यन्ते।
ग्रामसभासु पूर्वसभासु पारितानां प्रस्तावानां प्रगतेः समीक्षा क्रियिष्यते। तथा च पञ्चायतानां आयव्ययस्य अनुमोदनं विविधयोजनासु स्वीकृतानां कार्याणां वर्तमानस्थितेः विषये विस्तृतसूचना अपि प्रदास्यते। पञ्चायतकरप्रणाल्याः ऑनलाइनकरणं, सम्पत्तिकरनिर्धारणं, लंबितप्रकरणानां निराकरणं च विषयेऽपि चर्चा भविष्यति।
सभासु ग्रामीणसुरक्षासम्बद्धाः विषयाः अपि प्रमुखतया विचारिताः भविष्यन्ति। मार्गेषु आवारपशुभिः उत्पद्यमानानां दुर्घटनानां निवारणाय, जनजागरूकताअभियानानां आयोजनं, आवश्यकदण्डात्मकप्रावधानानां च विषये विशेषः विचारः क्रियिष्यते। अपरं च अविवादितनामान्तरणं, विभाजनम्, जन्ममृत्युपञ्जीकरणं, सार्वजनिकसम्पत्तीनां अभिलेखाः, पञ्चायतउन्नतिसूचकाङ्कस्य प्रदर्शनस्य समीक्षा च भविष्यति।
स्वच्छतासम्बद्धेषु विषयेषु मुक्तिधामेषु सुविधाव्यवस्थापनम्, टीबी मुक्त भारत अभियान तथा स्वच्छ भारत मिशन ग्रामीण इत्यादयः विषयाः अपि कार्यसूच्यां समाविष्टाः सन्ति। आवश्यकहितग्राहिभ्यः वितरितखाद्यान्नस्य सूचना अपि ग्रामसभायां सार्वजनिकीक्रियिष्यते।
ग्रामसभायाः कार्यवाही विडियोरूपेण अभिलेखिता कृत्वा जीएस निमय मोबाइल एप् मध्ये अपलोड् क्रियिष्यते, तथा च “सभासार” पोर्टलद्वारा एआईआधारितं कार्यवृत्तं निर्मास्यते। सह सर्वाः क्रियाः वाइब्रेंट ग्राम सभा तथा जीपीडीपी पोर्टलेषु अनिवार्यतया अभिलेखिताः भविष्यन्ति।
हिन्दुस्थान समाचार