Enter your Email Address to subscribe to our newsletters
रायपुरम्, 09 अप्रैलमासः (हि.स.)।
छत्तीसगढ़-राज्यस्य मुख्यमन्त्री विष्णुदेव साय अद्य गुरुवासरे प्रातः ८:१५ वादने दिल्ली-नगरात् रायपुरं प्राप्तवान्। स्वस्य प्रवासकाले सः देशस्य प्रधानमन्त्रिणा नरेंद्र मोदी सह तथा दलस्य राष्ट्रिय-नेतृत्वेन सह मिलित्वा राज्य-विकास-संबद्धेषु महत्त्वपूर्णेषु विषयेषु चर्चा कृतवान्। अस्य अतिरिक्तं सः भजनलाल शर्मा इत्यनेन सह अपि मिलित्वा विविधेषु विषयेषु विचार-विमर्शं कृतवान्।
मुख्यमन्त्री सायः पत्रकारैः सह संवादे उक्तवान् यत् दिल्ली-प्रवासस्य समये प्रधानमन्त्रिणा सह मिलित्वा बस्तर-प्रदेशस्य समग्र-विकासाय विस्तृतं दूरदर्शि-योजनापत्रं समर्पितवान्। तेन प्रधानमन्त्रिणं मानसून-ऋतुपश्चात् बस्तर-प्रदेशं आगन्तुं आमन्त्रितवान्, यत्र तस्य उपस्थितौ बहूनां महत्त्वपूर्ण-परियोजनानां शिलान्यासः उद्घाटनं च प्रस्तावितम् अस्ति।
तथा च सः नितिन नबीनेन सह अपि मिलितवान्। असम-निर्वाचनं प्रति सः उक्तवान् यत् भारतीय जनता पक्षस्य कृते अत्युत्तमा स्थितिः अस्ति तथा असमे तेषां सर्वकारः भविष्यति।
---------------
हिन्दुस्थान समाचार