Enter your Email Address to subscribe to our newsletters
भागलपुरम्, 01 मईमासः (हि.स.)।
आनन्दराम ढांढनियाँ सरस्वती विद्या मंदिर, भागलपुर इत्यत्र बुद्ध पूर्णिमा-पावनावसरे शुक्रवासरे गौतम बुद्ध-जयन्ती हर्षोल्लासेन गरिमामयेन वातावरणेन च सम्यक् आचरिता।
कार्यक्रमस्य शुभारम्भः विद्यालयस्य प्रधानाचार्येण सुमंत कुमार, भावना पाण्डेय, सुजाता पाण्डेय, भीष्ममोहनझा इत्यादिभिः भ्रातृभगिनिभिः च संयुक्तरूपेण दीपप्रज्वलनेन कृतः। अस्मिन् अवसरे भैयाभगिनिभिः आचार्यैः दीदीभिश्च बुद्धस्य चित्रे माल्यार्पणं पुष्पार्चनं च कृत्वा श्रद्धाञ्जलिः अर्पिता।
कार्यक्रमान्तर्गतं भैयाभगिनिभिः बुद्धस्य जीवन्याः आधारेण भाषणानि, कविताः, गीतानि प्रेरकप्रसङ्गाश्च सुन्दररूपेण प्रस्तुताः, येन सर्वे अत्यन्तं प्रभाविताः अभवन्। विशेषतया भैया तेजसप्रतापेन प्रदर्शिताः चित्रकलाः अतीव आकर्षकाः प्रशंसनीयाश्च आसन्, यस्मात् सः प्रधानाचार्येण सम्मानितः अपि अभवत्।
स्वीयोद्बोधने प्रधानाचार्यः सुमन्तकुमारः उक्तवान् यत् बुद्धस्य जीवनं तस्य उपदेशाश्च अद्यापि मानवतायाः मार्गदर्शकाः सन्ति। तेन सत्यस्य, अहिंसायाः, करुणायाः, मध्यममार्गस्य च सन्देशः प्रदत्तः, येन समाजः नूतनां दिशां प्राप्तवान्। सः भैयाभगिनीन् प्रेरितवान् यत् वयं बुद्धस्य आदर्शान् स्वजीवने आचरामः, येन वयं श्रेष्ठाः व्यक्तयः उत्तरदायिनः नागरिकाश्च भवेम।
कार्यक्रमस्य समापनं शान्तिपाठेन कृतम्। अस्मिन् अवसरे विद्यालयपरिवारस्य सर्वेषां आचार्याणां भगिनीभ्यः भ्राताभगिनिभ्यश्च सक्रियसहभागिता अत्यन्तं प्रशंसनीया आसीत्।
---------------
हिन्दुस्थान समाचार