Enter your Email Address to subscribe to our newsletters
स्वास्थ्य विभागे नियुक्तिप्रक्रियायाःविहिता समीक्षा
भोपालम्, 01 मईमासः (हि.स.)।
उपमुख्यमन्त्री राजेन्द्र शुक्ल शुक्रवासरे मन्त्रालये लोकस्वास्थ्य-चिकित्साशिक्षा-विभागस्य भर्ती-प्रक्रियाणां विस्तृतसमीक्षां कृतवान्। तेन निर्देशाः प्रदत्ताः यत् सर्वाः आवश्यकाः औपचारिकताः समयबद्धतया सम्पन्नाः स्युः तथा भर्ती-प्रक्रिया निर्धारितसमयसीमायां पूर्णा क्रियेत। तेन उक्तं यत् सर्वेषां स्वीकृतपदानां अपेक्षा सम्बन्धित-चयनसंस्थायै समये प्रेषणीया। प्रशासनिक-अन्तर्विभागीय-समन्वयसम्बद्धेषु विधिकविषयेषु च विभागीयः पक्षः शीघ्रं प्रस्तुतः क्रियताम्। विभिन्नपदेषु शीघ्रभर्ती-संपादनार्थं भर्ती-नियमेषु अपेक्षितसंशोधनप्रस्तावाः सक्षमाधिकारिणां समीपे अनुमोदनार्थं प्राधान्येन सिद्धीकर्तव्याः इति अपि तेन निर्दिष्टम्।
उपमुख्यमन्त्री शुक्ल उक्तवान् यत् स्वास्थ्यसेवाः नागरिकानां मूलभूता आवश्यकता अस्ति। गुणवत्तायुक्ताः सुलभाः च स्वास्थ्यसेवाः प्रदातुं आधुनिकाधारसंरचना, उन्नत-उपकरणानि, पर्याप्तमानवसंसाधनं च अत्यावश्यकम्। तेन उक्तं यत् पदोन्नतिप्रक्रियायाः पूर्णतया सम्पन्नतया चिकित्सकीय-मानवबलस्य भर्ती-वेगः वर्धिष्यते, अतः एषः कार्यः सर्वोच्चप्राथमिकतया कर्तव्यः। विभागीयपदोन्नतिप्रक्रियां शीघ्रं पूर्णीकर्तुं तेन त्वरितप्रस्ताव-तैयारी अपि निर्देशिता।
तेन पुनः निर्दिष्टं यत् येषां पदानां परीक्षाः सम्पन्नाः सन्ति, तेषां परिणामाः शीघ्रं घोषणीयाः तथा भर्ती-प्रक्रिया पूर्णीकरणीयाः। येषां पदानां परीक्षाः अद्यापि अवशिष्टाः सन्ति, ताः अपि शीघ्रमेव आयोजनीयाः। चयनसंस्थया सह सततसमन्वयेन समग्रप्रक्रिया समयबद्धतया सम्पन्ना क्रियताम् इति अपि निर्देशः दत्तः।
उपवेशने अवगतं यत् बायोमेडिकल्-इञ्जीनियर, ऑक्युपेशनल्-थेरापिस्ट इत्यादीनां एकत्र त्रिंशत् (३१) पदानि, मेडिकल्-सोशल्-वर्कर, क्लिनिकल्-साइकियाट्रिस्ट, सहायक-अस्पताल-प्रबन्धक इत्यादीनां द्विशतं (२००) पदानि, स्टाफ्-नर्स्, कम्पाउण्डर्, पैरामेडिकल्-कर्मचारिणां त्रिशतत्रिसप्ततिः (३७३) पदानि, नर्सिङ्ग्-ऑफिसर इत्यस्य द्विसहस्रनवति-नव (२०९९) पदानि, सिस्टर-ट्यूटर इत्यस्य द्विशताष्टादश (२१८) पदानि तथा अस्पताल-सहायकस्य एकसहस्रद्विशत (१२००) पदानि—एतेषां सर्वेषां भर्ती-प्रक्रियाः प्रगतौ सन्ति।
उपमुख्यमन्त्री निर्दिष्टवान् यत् एताः सर्वाः प्रक्रियाः आगामिद्विमासाभ्यन्तरे पूर्णाः कृत्वा शीघ्रं नियुक्तिः सुनिश्चितीक्रियताम्।
अस्मिन् समीक्षासभायां अपर-मुख्यसचिवः सामान्यप्रशासनविभागस्य तथा कर्मचारी-चयन-मण्डलस्य अध्यक्षः संजय कुमार शुक्ल, लोकस्वास्थ्य-चिकित्साशिक्षा-आयुक्तः धनराजू एस् इत्यादयः विभागस्य तथा कर्मचारी-चयन-मण्डलस्य वरिष्ठ-अधिकारिणः उपस्थिताः आसन्।
---------------
हिन्दुस्थान समाचार