Enter your Email Address to subscribe to our newsletters
गंगटोकम्, 01 मईमासः (हि.स.)।
भारतस्य उच्चतम-न्यायालयस्य मुख्यन्यायाधीशः न्यायमूर्ति सूर्यकांत शुक्रवासरे सिक्किम-राज्यं प्रति आगतः। सः गंगटोक-नगर्यां तन्त्रज्ञान-न्यायशिक्षयोः विषये आयोजिते द्विदिवसीये राष्ट्रियसम्मेलने भागं ग्रहीतुं सिक्किमम् आगतः। अयं सम्मेलनः १–२ मई२०२६ तिथिषु आयोजितः भविष्यति।
मुख्यन्यायाधीशस्य सिक्किम-पश्चिमबङ्गालयोः सीम्नि स्थिते रंगपो-पर्यटकसुविधाकेन्द्रे आगमने सिक्किम पुलिस तस्मै ‘गार्ड ऑफ ऑनर’ इति सम्मानं दत्तवती।
सिक्किम उच्च न्यायालय-स्य न्यायाधीशा मीनाक्षी मदन राई, रजिस्ट्रार-जनरल कर्मा वांगचुक भोटिया, रजिस्ट्रार ज्योति खड़का, राज्य-विधि-सचिवः सूरज छेत्री इत्यादयः मुख्यन्यायाधीशं तेन सह आगतं प्रतिनिधिमण्डलं च सस्नेहम् अभिनन्दितवन्तः।
मुख्यन्यायाधीशेन सह उच्चतमन्यायालयस्य अन्ये न्यायाधीशाः, देशस्य विभिन्न-उच्चन्यायालयानां मुख्यन्यायाधीशाः, अन्ये च प्रतिष्ठितजनाः अपि आगताः सन्ति। प्रतिनिधिमण्डले राष्ट्रमंडल कानूनी शिक्षा संघ-स्य प्रतिनिधयः अपि सम्मिलिताः सन्ति, येन अस्य सम्मेलनस्य राष्ट्रीय-अन्ताराष्ट्रिय-भागिता प्रकाश्यते।
---------------
हिन्दुस्थान समाचार