Enter your Email Address to subscribe to our newsletters
देहरादूनम्, 01 मईमासः (हि.स.)।विश्वविख्याते केदारनाथ-धाम-यात्रायां अस्मिन् वर्षे अपि श्रद्धालूनां आगमनसंख्या नूतनं अभिलेखं निर्माति, येन समग्रे क्षेत्रे उत्साहस्य श्रद्धायाश्च अद्वितीयः संगमः दृश्यते। विशालजनसमूहे सति अपि व्यवस्थाः सम्यक् रूपेण सञ्चालिताः सन्ति, अतः श्रद्धालुभ्यः कापि असुविधा न अनुभूयते।
श्रद्धालूनां वर्धमानसंख्यां दृष्ट्वा रुद्रप्रयाग-जनपदस्य जिलाधिकारी विशाल मिश्रा स्वयमेव व्यवस्थापने प्रवृत्तः सन् निरन्तरं पर्यवेक्षणं करोति। प्रशासनद्वारा यात्रामार्गात् आरभ्य केदारनाथ-धामपर्यन्तं सर्वस्तरे व्यापकाः व्यवस्थाः कृताः। पादयात्रामार्गे विश्रामस्थलानि, भोजनव्यवस्था, पेयजलम्, चिकित्सासुविधाः, सुरक्षा-व्यवस्थाश्च सुदृढतया स्थापिताः। धामक्षेत्रे अपि स्वच्छता, आवासव्यवस्था, आपत्कालीनसेवाश्च प्राथमिकतया व्यवस्थिताः।
जिलाप्रशासनस्य, पुलिस-विभागस्य, स्वास्थ्यविभागस्य, आपदाप्रबन्धनदलस्य च समन्वितप्रयत्नैः यात्रा सुगमा सुरक्षिताच कृताऽस्ति। अस्य परिणामरूपेण देशस्य विविधप्रदेशेभ्यः विदेशेभ्यश्च आगताः श्रद्धालवः व्यवस्थां मुक्तकण्ठेन प्रशंसन्ति।
गाजियाबाद-नगरात् आगतः श्रद्धालुः अनिल कौशिक स्वानुभवं कथयन् अवदत् यत् प्रशासनस्य व्यवस्थाः अत्युत्तमाः सन्ति। अस्माभिः बाबा केदारनाथस्य दर्शनं अत्यन्तं सहजतया प्राप्तम्। धामे स्वच्छतायाः विशेषः ध्यानः क्रियते, प्रशासनदलानि च सर्वदा सहाय्यार्थं सज्जानि सन्ति।
दिल्ली-नगरात् प्रथमवारम्आगतः श्रद्धालुयुगलः युगल समनिया अवदत्—“अत्र आगत्य अतीव सुखदः अनुभवः प्राप्तः। अत्र व्यवस्थाः अस्माकं अपेक्षाभ्यः अपि उत्कृष्टतराः सन्ति। वयं जिलाप्रशासनस्य हृदयेन आभारं प्रकटयामः।”
तथैव बेंगलुरु-नगरात् आगतः श्रद्धालुः नवीन राज्यसर्वकारस्य जिलाप्रशासनस्य च प्रशंसां कृत्वा अवदत् यत् एतादृशेषु दुर्गमेषु भूगोलिकपरिस्थितिषु अपि याः व्यवस्थाः कृताः, ताः वास्तवमेव प्रशंसनीयाः सन्ति।
महाराष्ट्रस्य नागपुर-नगरात् आगतः राजेन्द्र अपि व्यवस्थां प्रशंसन् अवदत् यत् एतादृशे उच्चप्रदेशे एतादृशीनां सुविधानां व्यवस्था कर्तुं महती परिस्थितिः अस्ति, किन्तु प्रशासनं तां सम्यक् निर्वहति। विशेषतः स्वच्छता तथा पुलिस-प्रशासनस्य तत्परता अत्यन्तं सराहनीया अस्ति। सर्वेषां साहाय्यार्थं पुलिसप्रशासनदलानि निरन्तरं सक्रियाणि सन्ति।
हिन्दुस्थान समाचार