Enter your Email Address to subscribe to our newsletters
मीरजापुर-नगरम्, ०१ मईमासः (हि.स.)। माँ-विन्ध्यवासिनी-स्वशासी-राज्य-चिकित्सा-महाविद्यालयेन सम्बद्धे मण्डलीय-चिकित्सालये अग्नि-सुरक्षार्थम् अधुना उच्च-प्रौद्योगिकी-युक्ता अग्निशमन-प्रणाली स्थाप्यते। अस्य कृते सर्वकारेण ३ कोटि ७३ लक्ष-रूप्यकाणां वित्तविवरणम् अनुमोदितम् अस्ति, शीघ्रमेव कार्यारम्भस्य सिद्धताः अपि क्रियन्ते।
अस्मिन् चिकित्सालये प्रतिदिनं द्वि-सहस्रात् त्रि-सहस्र-पर्यन्तं रोगिणः चिकित्सार्थम् आगच्छन्ति, यदा च प्रायः ३०० रोगिणः अन्तःशय्यायां स्थाप्यन्ते। अतः कस्यापि आपत्कालीन-स्थितेः समक्षं कर्तुं एषः उपक्रमः अतीव महत्त्वपूर्णः मन्यते। अधुना चिकित्सालये केवलं २५६ अग्निशामक-यन्त्राणि एव सन्ति।
नवीन-व्यवस्थायाः अन्तर्गतं चिकित्सालय-परिसरे १०,०००-लीटर-क्षमतायुक्तः जल-प्रपा निर्मीयते। सहैव समग्रे परिसरे प्रपा-प्रणाली अपि स्थाप्यते, येन अग्निकाले त्वरितं जलं तथा अग्निशमन-द्रव्यम् उपलभ्यते।
चिकित्सा-महाविद्यालयस्य प्राचार्यः डॉ.संजीव-कुमार-सिंहः उक्तवान् यत् वित्तविवरणं निर्गतम् अस्ति, शीघ्रमेव अग्निशमन-प्रणाल्याः स्थापना-प्रक्रिया आरभ्यते। अनेन चिकित्सालयस्य सुरक्षा-व्यवस्था अधिका सुदृढा भविष्यति।
हिन्दुस्थान समाचार / अंशु गुप्ता