लखनऊ-नगरम्, ३० अप्रैलमासः (हि.स.)। उत्तर-प्रदेशस्य मुख्यमन्त्री-योगी-आदित्यनाथम् प्रति समाजवादी-पक्षस्य नेता तथा विपक्ष-नेता माता-प्रसाद-पाण्डेयः पत्रं लिखितवान्। तस्मिन् पत्रे विकासार्थं सर्वेभ्यः विधायकेभ्यः ५-५ कोटि-रूप्यकाणां विनियोगस्य विषयः अवधानार्थं प्रस्तुतः।

विपक्ष-नेता स्व-पत्रे लिखितवान् यत् “त्वरित-विकास-योजना” इत्यस्य अन्तर्गतं मार्ग-निर्माणाय प्रदेशस्य सर्वेभ्यः विधायकेभ्यः धनराशिः आवंटिता अस्ति। तदनुसारं सत्तारूढ-दलसम्बद्धेभ्यः विधायकेभ्यः ५-५ कोटि-रूप्यकाणि प्रदत्तानि, यदा तु विपक्ष-दलानां विधायकेभ्यः केवलं १-१ कोटि-रूप्यकाणि एव आवंटितानि सन्ति।

माता-प्रसाद-पाण्डेयः अग्रे लिखितवान् यत् प्रदेशस्य विकासः सर्वेषां क्षेत्राणां सम्यक् विकासेन एव सम्भवः, केवलं एकस्य दलस्य विधायक-क्षेत्रस्य विकासेन प्रदेशः विकसितः न भवितुम् अर्हति।

अतः सः निवेदनं कृतवान् यत् सम्पूर्ण-प्रदेश-हिताय सत्तारूढ-दलवत् विपक्ष-दलानाम् अपि विधायकेभ्यः ५-५ कोटि-रूप्यकाणां धनराशिः आवंटनीया इति विचारः क्रियेत।

हिन्दुस्थान समाचार / अंशु गुप्ता