Enter your Email Address to subscribe to our newsletters
मीरजापुरम्, 01 मईमासः (हि.स.)।
वैशाखपूर्णिमायाः अवसरे मीरजापुर-स्थिते माँ विंध्यवासिनी-धाम्नि शुक्रवासरे श्रद्धालूनां विशालसमागमः अभवत्। दूरदूरात् आगताः भक्ताः प्रातःकाले गङ्गायां स्नानं कृत्वा जयघोषैः सह देव्या दर्शनं पूजनं च कृतवन्तः। देवालयपरिसरे दिवसभरं धार्मिक-उत्साहस्य वातावरणं विराजमानम् आसीत्, बहुसंख्यकानां बालकानां मुण्डनसंस्कारः अपि सम्पन्नः।
जनसमूहे अधिकत्वात् देवालयस्य द्वितीयद्वारे (न्यू-वीआईपी-गेट्) दीर्घाः पङ्क्तयः दृष्टाः। श्रद्धालवः तीव्रे सूर्यतापे बहुकालं प्रतीक्षां कर्तुं बाधिताः। पङ्क्तेः मन्दगतिः विशेषपङ्क्तेः च भीडस्य कारणेन सामान्यदर्शनार्थिनः बहूनि क्लेशान् अनुभूतवन्तः।
अत्यधिकोष्णतायाः कारणेन लघुबालकाः रुदन्तः दृष्टाः, वृद्धजनाश्च अपि कठिनताः अनुभूतवन्तः। देवालयमार्गेषु वाहनस्थानकेषु च जनसञ्चयेन गमनागमनं बाधितम् अभवत्। श्रद्धालवः प्रशासनात् उत्तमव्यवस्थां सुगमदर्शनव्यवस्थां च अपेक्षन्ते।
---------------
हिन्दुस्थान समाचार