Enter your Email Address to subscribe to our newsletters
हरिद्वारम्, 01 मईमासः (हि.स.)।
बुद्धपूर्णिमायाः पावनसन्दर्भे अखिलविश्वगायत्रीपरिवारस्य मुख्यालये गायत्रीतीर्थशान्तिकुञ्जस्य मार्गदर्शनेन विश्वस्य विविधेषु देशेषु स्थिताः प्रायः पञ्चकोटिसंख्याकाः गायत्रीपरिवारस्य साधकाः स्वस्वगृहेषु सामूहिकरूपेण गायत्रीयज्ञं सम्पन्नवन्तः।
अस्मिन् अवसरे शान्तिकुञ्जस्य अधिष्ठात्री शैलदीदी देशविदेशेषु स्थितान् गायत्रीपरिवारसम्बद्धान् सदस्याञ् प्रति आह्वानं कृतवती यत् ते यज्ञस्य माध्यमेन आत्मशुद्धिं सद्बुद्धिं विश्वकल्याणभावनां च जागरूकयन्तु। सा उक्तवती यत् एषः प्रयासः केवलं धार्मिकानुष्ठानपर्यन्तं सीमितः नास्ति, अपितु मानवसमाजे सद्भावस्य नैतिकतायाः जागरूकतायाश्च सुदृढीकरणस्य दिशि प्रेरणादायिनी पहलः अस्ति।
तया अपि उक्तं यत् अस्मिन् एव दिने भगवान् गौतमबुद्धः आत्मज्ञानं प्राप्तवान्, अतः अयं दिवसः आत्मचिन्तनस्य साधनायाः करुणाप्रसारस्य च प्रतीकत्वेन मन्यते।
शान्तिकुञ्जस्य मीडिया-विभागेन प्रदत्तसूचनानुसारं गतवर्षेषु अपि बुद्धपूर्णिमायां एषः सामूहिकयज्ञः नियमितरूपेण आयोज्यते, यस्मिन् देशविदेशेषु स्थिताः कोटिशः साधकाः एकस्मिन् एव समये यज्ञं कृत्वा वैश्विकसकारात्मकऊर्जायाः प्रसारणस्य संकल्पं गृह्णन्ति।
देवसंस्कृतेः गौरवशालिनी परम्परा आधुनिकतया सह संयोज्य शान्तिकुञ्जस्य ब्रह्मवादिनीभगिन्यः ऑनलाइन-माध्यमेन भव्यं यज्ञं सम्पन्नवन्त्यः, येन तन्त्रज्ञानस्य साहाय्येन गृहगृहं प्रति अध्यात्मसन्देशः प्रेषितः।
तथैव विदेशस्थिते प्रतिकुलपतौ देवसंस्कृतिविश्वविद्यालयस्य डॉ. चिन्मय पण्ड्या इत्यनेन बुद्धपूर्णिमायाः पावनसन्दर्भे विदेशभूमौ अपि गायत्रीयज्ञः सम्पन्नः। एषः आयोजनः सनातनसंस्कृतेः वैश्विकविस्तारं प्रदर्शयन् भगवान् बुद्धस्य शान्तिसन्देशस्य गायत्रीप्रज्ञाशक्तेश्च अद्वितीयं समन्वयं अपि प्रस्तुतवान्।
हिन्दुस्थान समाचार