जगदलपुरम्, १५ मे-मासः (हि.स.)। अस्वच्छ-व्यवसायेषु यथा शुष्क-शौचालय-परिशोधनम्, चर्म-शोधनम्, चर्म-उत्कर्षणम्, अपशिष्ट-सङ्ग्रहणम्, जोखिमयुक्त-अपशिष्ट-परिशोधन-कर्म च संलग्न-परिवाराणां बालकानां शिक्षां सुगमां कर्तुं अस्मिन् शैक्षणिक-सत्रे ‘पूर्व-माध्यमिक-छात्रवृत्तिः’ प्रदीयते।

अस्य अन्तर्जाल-आवेदनस्य पूर्त्यर्थम् आवेदकैः निर्धारित-प्रारूपेण आवेदन-पत्रेण सह १०-रूप्यक-मूल्यस्य स्टाम्प-पत्रे शपथ-पत्रम् अपि संयोजनीयम्। तदतिरिक्तं आवेदनस्य सत्यतां सुनिश्चेतुं सम्बन्धित-क्षेत्रस्य सरपञ्चेन अथवा पार्षदेन तथा हल्का-पटवारिणा हस्ताक्षरितं करणम् अनिवार्यं भविष्यति। अस्य प्रमाण-पत्रस्य आधारेण एव विद्यार्थी वर्तमान-सत्रस्य स्व-सम्बद्ध-कक्षायाः छात्रवृत्त्यर्थं पात्राः मन्यन्ते।

राज्य-सर्वकारस्य निर्देशानुसारं प्रथम-कक्षातः दशम-कक्षां यावत् पात्र-विद्यार्थिभ्यः अस्याः छात्रवृत्तेः (कम्पोनेण्ट्-२) लाभः प्रदास्यते, येन ते विद्यालयीय-शिक्षां सम्पूर्णतया पूर्णयितुं शक्नुवन्ति। अस्याः सम्पूर्ण-प्रक्रियायाः अत्यन्तं पारदर्शिनीं आधुनिकां सुलभां च निर्मातुं सर्वकारेण महत् परिवर्तनं कृतम्। अधुना विद्यार्थिनां पालकेभ्यः ‘अस्वच्छ-व्यवसाय-प्रमाण-पत्रम्’ अपि जाति- निवास-आय-प्रमाण-पत्रवत् अन्तर्जाल-माध्यमेन एव प्रदास्यते। लोक-शिक्षण-सञ्चालनालयस्य पत्रस्य परिप्रेक्ष्ये छत्तीसगढ़-सर्वकारस्य राजस्व-आपदा-प्रबन्धन-विभागस्य समन्वयेन ‘चिप्स’ संस्थया एषा अन्तर्जाल-व्यवस्था सम्पूर्णतया सज्जीकृता सजीविता च कृता अस्ति। अधुना पात्र-परिवाराः लोक-सेवा-केन्द्राणां माध्यमेन अनुविभागीय-अधिकारी-स्तरेण (एस.डी.एम.) अथवा तहसीलदार-स्तरेण एतत् प्रमाण-पत्रम् अन्तर्जाल-रीत्या सुलभतया निर्मापयितुं शक्नुवन्ति।

योजनायाः लाभं भूमिस्तरे प्रत्येकं आवश्यक-जनं यावत् प्रापयितुं बस्तर-जनपदस्य जनपद-शिक्षा-अधिकारेण जनपदस्य अन्तर्गतं सञ्चालितानां सर्वेषां शासकीय-अशासकीय-अनुदान-प्राप्त-विद्यालयानां विकासखण्ड-शिक्षा-अधिकारीभ्यः, प्राचार्येभ्यः, प्रधान-पाठकेभ्यश्च निर्देशाः निर्गताः। सर्वे विद्यालयाः स्व-स्व-विकासखण्डेषु विद्यालय-क्षेत्रेषु च आगच्छतां तादृश-परिवाराणां बालकानां परिचयं कुर्वन्तु तथा अस्याः योजनायाः व्यापक-प्रचार-प्रसारं सुनिश्चितं कुर्वन्तु। सर्वकारस्य अस्याः अभिप्रायस्य अनुरूपं सर्वेषां पात्र-विद्यार्थिनां अन्तर्जाल-प्रमाण-पत्रस्य छात्रवृत्ति-आवेदनस्य च समये पूर्तेः उत्तरदायित्वं विद्यालय-प्रधानानां उपरि न्यस्तम् अस्ति।

Hindusthan Samachar / Divya Ranjan