नवदेहली, १६ मे-मासः (हि.स.)। भारतस्य विश्वस्य च इतिहासे १७ मे-दिनाङ्कः अनेकाभिः महत्त्वपूर्णाभिः घटनाभिः स्मर्यते। भारतीय-क्रीडाजगतः कृते अयं दिनाङ्कः विशेषमहत्त्वं वहति, यतः २०१० तमे वर्षे अस्मिन् एव दिने भारतीय-मुष्टियुद्धक्रीडकाः कॉमनवेल्थ-बॉक्सिङ्ग-चैम्पियनशिप-क्रीडास्पर्धायां उत्कृष्टं प्रदर्शनं कृत्वा षट् स्वर्णपदकानि स्वनाम्नि कृतवन्तः।

एषा ऐतिहासिकी उपलब्धिः अन्ताराष्ट्रिय-मुष्टियुद्धक्षेत्रे भारतस्य सामर्थ्यस्य नूतनाम् अभिज्ञानं दत्तवती। भारतीय-क्रीडकाः उत्कृष्टां तकनीकिं, सुदृढ-शारीरिक-क्षमतां, आत्मविश्वासं च प्रदर्श्य स्पर्धायां स्वप्रभुत्वं स्थापितवन्तः। अनेन विजयेनेदं सिद्धं जातम् यत् भारतम् अधुना मुष्टियुद्धवत् स्पर्धार्मके पूर्णे क्रीडाक्षेत्रे अपि वैश्विकस्तरे सुदृढः योग्यः च जातः अस्ति।

२०१० तस्य वर्षस्य एतत् प्रदर्शनं भारतीय-मुष्टियुद्धस्य विकासे महत्त्वपूर्णः परिवर्तनबिन्दुः सिद्धः। तस्मिन् काले भारतीय-मुष्टियुद्धक्रीडकाः निरन्तरम् अन्ताराष्ट्रीय-क्रीडास्पर्धासु पदकानि विजिताः, तथा च कॉमनवेल्थ-चैम्पियनशिप-क्रीडास्पर्धायां समग्रविजयेन देशस्य क्रीडाइतिहासे नूतनः अध्यायः संयोजितः।

अस्याः सफलतायाः प्रभावः परवर्तिषु वर्षेष्वपि दृष्टिगोचरः अभवत्, यदा भारतीय-मुष्टियुद्धक्रीडकाः एशियाई-क्रीडासु, राष्ट्रमण्डल-क्रीडासु, वैश्विकस्तरीय-क्रीडास्पर्धासु च उत्कृष्टं प्रदर्शनम् अकुर्वन्। युवा-क्रीडकानां कृतेऽपि एषः विजयः प्रेरणास्रोतः अभवत् तथा च देशे मुष्टियुद्धं प्रति रुचिः वर्धिता।भारतीय-क्रीडाइतिहासे १७ मे-दिनाङ्कः अतः अपि विशेषः मन्यते, यतः अस्याः उपलब्धेः कारणेन देशः एतत् विश्वासं प्राप्तवान् यत् परिश्रमस्य, उत्तम-प्रशिक्षणस्य, सुदृढ-क्रीडासंरचनायाः च आधारेण भारतीय-क्रीडकाः कस्मिन् अपि मञ्चे विश्वस्य श्रेष्ठतम-समूहान् स्पर्धां दातुं समर्थाः सन्ति।

महत्त्वपूर्णाः घटनाः :

• १७६९ - ईस्ट्-इण्डिया-कम्पनी इति बंगालस्य वस्त्र-उद्योगं नाशयितुं तन्तुवायेषु विविधप्रतिबन्धाः आरोपितवती। • १९७५ - जापानी-महिला जुनको-तैबेई माउण्ट्-एवरेस्ट-शिखरम् आरोढुं प्रथमामहिला अभवत्। • १९८७ - सुनील-गावस्करः टेस्ट्-क्रिकेट्-क्रीडायाः संन्यासम् अघोषयत्। • २००० - रूसी-संसदः उच्चसदनं ‘फेडरलिस्ट्स्’ परमाणु-परीक्षण-प्रतिबन्ध-सन्धेः अनुमोदनम् अकरोत्। • २००२ - पाकिस्ताने मृतस्य अमेरिकी-पत्रकारस्य डेनियल्-पर्लस्य शवः कब्रस्थानात् प्राप्तः। • २०१० - देशस्य प्राचीनतमां पारम्परिक-क्रीडां कबड्डी-क्रीडां प्रोत्साहयितुं पञ्जाब-सर्वकारः अग्रिममासे कबड्डी-विश्वकप-इत्यस्य आयोजनस्य घोषणाम् अकरोत्। • २०१० - भारतीय-सेना ओडिशा-राज्यस्य व्हीलर्स-द्वीपे स्थितात् इण्टीग्रेटेड्-टेस्ट-रेञ्ज (आइ.टी.आर.) केन्द्रात् परमाणु-आक्रमणक्षमस्य ‘अग्नि-२’ प्रक्षेपास्त्रस्य परीक्षणम् अकरोत्। एतत् प्रक्षेपास्त्रं द्विसहस्र-किलोमीटर-पर्यन्तं प्रहारं कर्तुं समर्थः अस्ति।

जन्म :

• १९५१ - पङ्कज-उधासः — प्रसिद्धः भारतीय-ग़ज़ल-गायकः पार्श्वगायकश्च। • १९१८ - रूसी-मोदी — भारतस्य प्रसिद्धः उद्योगपतिः टाटा-समूहस्य शीर्षसदस्यश्च। • १९५३ - प्रीति-गाङ्गुली — हिन्दी-चलच्चित्र-जगतः चरित्र-अभिनेत्री। • १८९७ - धीरेन्द्र-वर्मा — हिन्दी-ब्रजभाषयोः प्रसिद्धः कविः लेखकश्च। • १७४९ - एडवर्ड्-जेनरः — प्रसिद्धः चिकित्सकः ‘चेचक’-टीकायाः आविष्कारकश्च।

निधनम् :

• २०२१ - के. के. अग्रवालः — भारतीयः चिकित्सकः हृदयरोगविशेषज्ञश्च आसीत्। • २०१४ - सी.पी.कृष्णन्-नायरः — भारतस्य प्रसिद्धः होटल-उद्योगपतिः ‘होटल-लीला-समूहस्य’ संस्थापकश्च। • १९७२ - रघुनाथ-कृष्ण-फडके — पद्मश्री-सम्मानितः भारतीयः मूर्तिकारः आसीत्।

महत्त्वपूर्णाः अवसराः :

• विश्व-दूरसञ्चार-दिवसः। • विश्व-उच्चरक्तचाप-दिवसः।

Hindusthan Samachar / Divya Ranjan