Enter your Email Address to subscribe to our newsletters
देहरादूनम्, 02 मईमासः (हि.स.)। रामनगरक्षेत्रस्य बहुवर्षप्रचलिता रेलसेवाया अभिलाषा अधुना पूर्णतां गच्छति। रामनगरदेहरादूननगरयोः मध्ये प्रत्यक्षरेलसेवा शीघ्रमेव प्रारभ्यते। गढवालक्षेत्रस्य सांसदः अनिलबलूनी अस्य विषयस्य सम्बन्धे गतजनवरीमासे रेलमन्त्री अश्विनवैष्णवं समागत्य रामनगरतः देहरादूनपर्यन्तं प्रत्यक्षरेलसेवां प्रारम्भयितुं निवेदनं कृतवान्।
सांसदः अनिलबलूनी अवदत् यत् अत्यन्तेन हर्षेण सः सूचयति यत् अस्य महत्त्वपूर्णस्य रेलसेवायाः सञ्चालनार्थं सर्वाः व्यवस्थाः सम्पन्नाः सन्ति। शीघ्रमेव अस्याः औपचारिकघोषणा भविष्यति। तेन सह रामनगरस्य तिरुमदारास्थले सम्पर्कक्रान्तिएक्सप्रेस इति रेलयानस्य स्थापनं गतदिनात् एव आरब्धम्, येन स्थानिकयात्रिकेभ्यः महती राहत् प्राप्ता, ते च अस्य लाभं गृह्णन्ति।
तेन उक्तं यत् अस्य महत्त्वपूर्णसिद्धेः निमित्तं क्षेत्रवासिनां प्रति हार्दिकाः शुभाशयाः। एषः निर्णयः नूनं क्षेत्रस्य विकासं सुविधावृद्धिं च नूतनवेगेन प्रेरयिष्यति।
एते निर्णयौ न केवलं क्षेत्रजनानां दीर्घकालप्रचलिताम् अपेक्षां पूरयतः, अपि तु पर्यटनव्यापारजीविकासन्धीनां वृद्धिं अपि प्रोत्साहयतः। अनेन समग्रक्षेत्रस्य विकासाय नूतना दिशा गतिः च प्राप्यते।
-------------
हिन्दुस्थान समाचार