Enter your Email Address to subscribe to our newsletters
शिमला, 02 मईमासः (हि.स.)।
पूर्वमुख्यमन्त्री तथा पूर्वकेन्द्रीयमन्त्री शान्ताकुमारः हिमाचलप्रदेशस्य युवसंतत्या सम्बन्धितस्य एकस्य महत्त्वपूर्णस्य सर्वेक्षणस्य परिणामेषु गम्भीरां चिन्तां व्यक्तवान्। सः उक्तवान् यत् एतत् सर्वेक्षणं न केवलं आश्चर्यजनकम्, अपितु प्रदेशस्य भविष्यस्य विषये अपि गम्भीरान् संकेतान् ददाति।
तेन उक्तं यत् पीजीआई चण्डीगढ तथा राष्ट्रियस्वास्थ्य-मिशन इत्यस्य अध्ययनानुसारं हिमाचलप्रदेशस्य प्रायः एकादशसहस्रं किशोरान् आधृत्य कृतस्य सर्वेक्षणस्य परिणामेषु त्रिपञ्चाशत् प्रतिशताः किशोराः मानसिक-ताणेन पीड्यन्ते। तेषु चतुर्दश प्रतिशताः अवसादेन ग्रस्ताः सन्ति, पञ्च प्रतिशताः किशोराः आत्महत्याया विचारान् धारयन्ति। विशेषतः पञ्चदशात् अष्टादशवर्षपर्यन्तस्य आयुवर्गस्य किशोराः अधिकं प्रभाविताः दृश्यन्ते।
शनिवासरे एकस्मिन् वक्तव्ये शान्ताकुमारः अवदत् यत् युवानां मध्ये वर्धमानस्य मानसिक-ताणस्य प्रमुखकारणानि करियरसम्बद्धा चिन्ता, वर्धमाना बेरोजगारी तथा भविष्यस्य अनिश्चितता च सन्ति। सः अपि उक्तवान् यत् प्रदेशस्य अधिकतराः किशोराः केनचित् प्रकारेण मानसिक-भारेण जीवनं यापयन्ति, या अत्यन्तं चिन्ताजनका स्थितिः अस्ति।
सः अपि अवदत् यत् हिमाचलप्रदेशः देशस्य सम्पन्नराज्येषु गणितः अस्ति, तथापि अत्र युवापीढी मानसिकताणेन पीड्यते, यत् सामाजिक-आर्थिक-असमानतायाः सूचकं वर्तते। सः देशे विकासप्रयत्नानां उल्लेखं कृत्वा अवदत् यत् योजनानां सत्त्वे अपि आर्थिक-विषमता निरन्तरं वर्धते।
शान्ताकुमारस्य मतानुसारं युवानां मानसिकताणस्य प्रमुखतमं कारणं वर्धमाना बेरोजगारी दारिद्र्यं च अस्ति। सः उक्तवान् यत् यदि एकस्मिन् लघुराज्ये एव एतादृशी विशालसंख्या किशोराः मानसिकताणेन आत्महत्याविचारैः च प्रभाविताः सन्ति, तर्हि एतत् भविष्यस्य कृते गम्भीरं चेतावनीसूचकं वर्तते।
तेन सर्वकारं समाजं च अस्मिन् विषये गम्भीरतया चिन्तयितुं प्रार्थितम्। सह एव सः सुझावं दत्तवान् यत् यूनां मानसिक-सशक्तीकरणार्थं योगः नैतिकशिक्षा च अनिवार्यविषयत्वेन प्रवर्तनीयौ।
सः अन्ते उक्तवान् यत् यदि सम्पन्नत्वेन प्रसिद्धस्य हिमाचलप्रदेशस्य एषा स्थिति अस्ति, तर्हि देशस्य अन्येषां राज्येषां स्थिति अधिकं गम्भीरा भवितुम् अर्हति। अतः अस्मिन् विषये शीघ्रं दृढाश्च उपायाः करणीयाः।
---------------
हिन्दुस्थान समाचार