Enter your Email Address to subscribe to our newsletters
वाराणसी, 02 मईमासः (हि.स.)। उत्तरप्रदेशकाङ्ग्रेसाध्यक्षस्य पूर्वविधायकस्य च अजय रायस्य स्वास्थ्यसम्बन्धे पक्षकार्यकर्तारः समर्थकाः च चिन्तिताः सन्ति। शनिवासरे समर्थकैः वाराणसीनगरे चेतगञ्जस्थिते सत्तीमातामन्दिरप्राङ्गणे प्रदेशाध्यक्षस्य शीघ्रस्वास्थ्यलाभकामनया विशेषहवनपूजनम् आयोजितम्। ते प्रदेशाध्यक्षस्य चित्रं गृहीत्वा वैदिकमन्त्रुच्चारणेन सह सत्तीमातां प्रति तस्य शीघ्रस्वास्थ्यलाभं प्रार्थितवन्तः।
पक्षस्य वाराणसीमहानगराध्यक्षः राघवेन्द्रचौबे उक्तवान् यत् प्रदेशाध्यक्षस्य स्वास्थ्यविषये कार्यकर्तारः चिन्तिताः सन्ति, किन्तु सः अधुना स्वास्थ्यलाभमार्गे अस्ति। कार्यकर्तृणां समर्थकानां च प्रेम्णा शुभकामनाभिः च सः शीघ्रमेव पुनः जनसेवायां प्रवर्तिष्यते।
उल्लेखनीयं यत् प्रदेशकाङ्ग्रेसाध्यक्षस्य अजय रायस्य स्वास्थ्यं शुक्रवासरे सायंकाले आकस्मिकरूपेण बिगडितम्। गृहे मूर्च्छितः सन् सः शीघ्रमेव लखनऊनगरे मेदान्ताचिकित्सालये प्रवेशितः, यत्र वैद्यनिगराण्यां तस्य चिकित्सा प्रवर्तते।
स्थानीयनेतृभिः उक्तम् यत् रक्ते सोडियमस्य न्यूनतया सः मूर्च्छितः अभवत्। तथापि अधुना अपि तस्य दुर्बलता अनुभूयते, अतः सः चिकित्सकनिगराण्यां स्थाप्यते। शनिवासरसायंकालपर्यन्तं तस्य चिकित्सालयात् मोक्षणं सम्भवितुमर्हति।
हिन्दुस्थान समाचार